Asosli togʻ jinslari

Asosli togʻ jinslari — Magmatik jinslar. Kremniy oksidi bilan toʻyinmagan va tarkibida kvars boʻlmagan jin-slar. Asosli togʻ jinslarida kremniy oksidi 50 — 55 % dan ortmaydi. Nordon tog jinslariga nisbatan kaliy, natriy kam, temir, kalsiy, magniy esa koʻp. Mineral tarkibida asosli plagioklazlar koʻproq, ortoklaz, mikroklin esa kam. Bunday jinslarga gabbro, bazalt, diabaz va b. kiradi. Asosli togʻ jinslari Oʻzbekistonda Janubiy Fargʻona, Turkiston, Tomdi, Sulton Uvays va Nurota togʻlarida uchraydi.