Azamat Shamsiyev
Azamat Muxitdinovich Shamsiyev (1945-yil 21-sentyabr, Samarqand)– tibbiyot fanlari doktori, professor, Oʻzbekistonning taniqli jamoat arbobi, 2004–2020. Oʻzbekiston Respublikasining taʼlim muassasalaridan biri boʻlgan Samarqand davlat tibbiyot instituti rektori lavozimida ishlagan[1].
| Azamat Shamsiyev | |
|---|---|
| Tavalludi |
21-sentyabr 1945 Samarqand OʻzSSR |
| Fuqaroligi |
 SSSR→ Oʻzbekiston |
| Sohasi | tibbiyot |
| Ish joylari | Samarqand davlat tibbiyot universiteti |
| Ilmiy darajasi | fan doktori |
| Ilmiy unvoni | professor |
Hayoti tahrir
Azamat Muxitdinovich Shamsiyev 1945-yilda Samarqand viloyati Xatirchi tumanida xizmatchi oilasida tugʻilgan. Oʻrta maktabni tugatgach, bir yil laborant boʻlib ishladi. 1962-yilda Toshkent tibbiyot institutining pediatriya fakultetiga oʻqishga kirib, dastlab Bulung‘ur tuman kasalxonasida, soʻngra Samarqand tibbiyot instituti poliklinikasida jarroh boʻlib ishladi. 1970–1973-yillarda Azamat Muxitdinovich Rostov davlat tibbiyot institutining bolalar xirurgiyasi kafedrasida aspiranturani tamomlab, „Bolalarda boldir suyagining distal uchi surunkali sinishlarini davolash“ mavzusidagi nomzodlik dissertatsiyasini muvaffaqiyatli himoya qildi.
Shamsiyev 1973-yildan 1976-yilgacha Samarqand tibbiyot instituti bolalar xirurgiyasi kafedrasida assistent, dotsent (1975-yildan) lavozimlarida ishlagan. 1977–1980-yillarda Donetsk viloyat bolalar klinik shifoxonasida bolalar jarrohi boʻlib ishlagan. 1980-yilda Donetsk davlat tibbiyot institutining bolalar xirurgiyasi boʻlimiga doktoranturaga oʻqishga kirdi. Azamat Muxitdinovich faoliyatining ushbu davri bolalarda destruktiv pnevmoniyani jarrohlik yoʻli bilan davolashning diagnostika usullari va taktikasini ishlab chiqishga bagʻishlandi. Ilmiy tadqiqot natijalari asosida 1983-yilda SSSR Tibbiyot fanlari akademiyasining Pediatriya ilmiy-tadqiqot institutida „Bolalarda destruktiv pnevmoniyani davolash“ mavzusidagi doktorlik dissertatsiyasini muvaffaqiyatli himoya qildi. Shamsiyev 1987-yilda „professor“ ilmiy unvonini oldi.
1985-yilda SamMI rektori professor S. A. Aripov Samarqand davlat tibbiyot institutining 2-sonli bolalar xirurgiyasi kafedrasini tashkil etib, shu kungacha professori hisoblanadi.
Professor Shamsiyev 1990-yilda professor tashabbusi va rahbarligida Samarqand viloyati va Oʻzbekistonning janubi-gʻarbiy mintaqasida bolalarga ixtisoslashtirilgan jarrohlik yordami koʻrsatuvchi Samarqand bolalar xirurgiyasi ilmiy markazi tashkil etildi. Direktor sifatida 2013-yilgacha ushbu markazni boshqargan.
2004-yil noyabrdan 2020-yil 14-fevralgacha Samarqand davlat tibbiyot instituti rektori lavozimida ishlagan[2].
Manbalar tahrir
- ↑ „Шамсиев Азамат Мухитдинович Ректор института“. 2017-yil 25-mayda asl nusxadan arxivlangan. Qaraldi: 2017-yil 18-mart.
- ↑ „Samarqand davlat tibbiyot institutining uzoq yillik rektori ishdan olindi“ (2020-yil 14-fevral). 2020-yil 4-dekabrda asl nusxadan arxivlangan. Qaraldi: 2023-yil 13-sentyabr.