Bezovtalikni tark etish va yangi hayot boshlash sirlari
„Bezovtalikni tark etish va yangi hayot boshlash sirlari“ (inglizcha: How to Stop Worrying and Start Living) — amerikalik psixolog Dale Carnegie qalamiga mansub kitob. Ilk bor 1948-yil Simon and Schuster nashriyoti tomonidna chop etilgan. Kishilarga mustaqil ravishda oʻsishda koʻmaklashishni koʻzlovchi ushbu asar oʻz-oʻziga yordam berish (inglizcha: self-help) janridagi eng mashhur kitoblarning biridir.
| Asl nomi | How to Stop Worrying and Start Living |
|---|---|
| Muallif(lar) | Dale Carnegie |
| Tarjimon(lar) | Fatxulla Namozov |
| Til | inglizcha |
| Janr(lar)i | Ommabop psixologiya |
| Nashr etilgan sanasi | 1948 |
| Nashriyot | „Yangi asr avlodi“ |
| Oʻzbek tilida nashr etilgan sanasi | 2009 |
| Sahifalar soni | 229 |
| ISBN | ISBN 998-9943-08-397-4 |
Asar kirish soʻzida muallif kitobni oʻzi „New Yorkdagi eng baxtsiz kishilardan biri boʻlgani uchun yozganini“ taʼkidlaydi. Carnegie hayotdagi doim xavotirda yashaganini, xavotir olishni yengishni istaganini aytadi.
Kitobning maqsadi oʻquvchiga zavqliroq va toʻlaroq hayot kechirishga yordam berishdir. Buning uchun muallif oʻquvchini nafaqat oʻzi, balki atrofidagi odamlarga ham eʼtibor berishga chorlaydi. Asarda Carnegie kundalik hayot nyuanslarini koʻrib chiqadi, hayotning muhimroq aspektlariga eʼtibor berishga chorlaydi.
„Bezovtalikni tark etish va yangi hayot boshlash sirlari“ oʻnlab tilga, jumladan, oʻzbek tiliga tarjima qilingan. Asarni oʻzbek tiliga rus tilidan Fatxulla Namozov oʻgirgan. Oʻzbek tilida ilk bor 2009-yil „Bezovtalikdan xalos boʻlish va yangi hayot boshlash sirlari“ nomi bilan Toshkent shahrida „Yangi asr avlodi“ nashriyoti tomonidan chop etilgan. Yana „Doʻst orttirish va odamlarga taʼsir koʻrsatish toʻgʻrisida“ (inglizcha: How to Win Friends and Influence People) va „Oʻz-oʻziga ishonch hosil qilish va omma oldida soʻzlash sanʼati“ (inglizcha: How to Develop Self-Confidence and Influence People by Public Speaking) kitoblari bilan birgalikda „Muvaffaqiyat kaliti“ nomi bilan toʻplam oʻlaroq chop etilgan.
Havolalar
tahrir- „Bezovtalikni tark etish va yangi hayot boshlash sirlari“ Ziyouz saytida (1-, 2-, 3- qismlar)
- „Muvaffaqiyat kaliti“ toʻplami Oʻzkitob saytida (Wayback Machine saytida 2016-04-25 sanasida arxivlangan)
 |