Boʻston (Zarbdor tumani)

Boʻston — Oʻzbekiston Respublikasi Jizzax viloyati Zarbdor tumaniga qarashli shaharcha.

Boʻston
Shaharcha
40°06′0″N 68°02′35″E
Mamlakat	Oʻzbekiston
viloyat	Jizzax viloyati
tuman	Zarbdor tumani
Qachondan beri shaharcha	1979
Iqlim turi	mo'tadil (yozda quruq)
Rasmiy til(lar)i	o'zbek
Aholisi  (1989)	5 684 12 000 dan oshiq (2 019)
Milliy tarkib	(asosan) O'zbek va boshqa millatlar
Vaqt mintaqasi	UTC+5
Telefon kodi	72-5121____
Boʻston

Jizzax viloyatidagi tuman bo'lib 1979-yil 4-dekabrda tashkil etilgan. Shimoli sharqida Sirdaryo viloyati, garbida Jizzax tumani, sharqida Yangiobod tumani, janubida Zomin tumani bilan chegaradosh. Maydoni 0,51 ming km2. Aholisi 2000-yil hisobiga ko'ra 45,7 ming kishidan iborat. Shaharchada 5 qishloq fuqarolari yigʻini (Adirobod, Andijon, Lalmikor, Sharq Yulduzi, Yangikent) va 2 shaharcha (Boʻston, Zarbdor) bor. Markazi — Zarbdor shaharchasi hisoblanadi.

Tabiati

Tuman hududi Mirzachoʻlning janubta joylashgan. Relyefi asosan tekislikdan iborat. Iqlimi keskin kontinental. Yanvarning oʻrtacha trasi —4°, —6°, iyulniki 28—30°. Yiliga 300 – 350 mm yogʻin tushadi. Vegetatsiya davri 205—210 kun. Tuprogʻi boʻz, qoʻngʻir tuproq. Yer osti suvlari yuza, shoʻr. Tuman hududida kanallari bor. Oqova shoʻr suvlarni qochirish uchun ariq va zovurlar qazilgan. Yovvoyi oʻsimliklardan yantoq, shoʻra, shuvoq, qoʻngʻirbosh, qiyoq, qamish, yulgʻun, oqbosh, ituzum, tol, jiyda oʻsadi. Yovvoyi hayvonlardan tulki, chiyaboʻri, kalamush, toshbaqa, ilon, kaltakesak, yovvoyi parrandalardan oʻrdak, tustovuq, qirgʻovul, kalxat, chugʻurchiq, qargʻa, soʻfitoʻrgʻay, mayna yashaydi. Aholisi, asosan oʻzbeklar, shuningdek, tojik, qozoq, rus, ukrain, qirgʻiz, turkman, tatar va b. millat vakillari ham yashaydi. 1 km² ga 89 kishi toʻgʻri keladi. Qishloq aholisi 27,8 ming kishi, shaharliklar 17,9 ming kishi.

Xoʻjaligi

Boʻston shaharchasida xoʻjaligini paxtachilik, gʻallachilik asosiy oʻrinni egallaydi. 13 ta shirkat xoʻjaligi mavjud. Jami yerlari 34,5 mingga, shu jumladan sugʻoriladigan yerlar 32,8 mingga, namli yerlar 430ga. Tumandagi barcha toifadagi xoʻjaliklarda 12 mingdan ziyod qoramol, 14 mingdan ortiq qoʻy-echki, 370 tacha ot bor. 325 dehqon xoʻjaligi boʻlib, 13,7 ming ga yaqin yer ajratilgan. Tumanda Zarbdor un, 20 kichik, 20 xususiy korxona, 4 savdo tashkiloti, maishiy xizmat koʻrsatish shohobchalari mavjud.

Aholi punktlari

Tumanda 12 umumiy taʼlim maktabi (12,4 ming oʻquvchi), „Oqbuloq“ folklor etnik guruhi, 230 oʻrinli kasalxona, 8 qishloq vrachlik ambulatoriyasi, qishloq vrachlik punkti, 8 feldsher, akusherlik punkti, 2 poliklinika, 8 dorixona bor. Zarbdor—Guliston, Zarbdor—Toshkent, Zarbdor—Samarqand va boshqa yoʻnalishlar boʻyicha shaharlararo avtobus va taksi qatnovi yoʻlga qoʻyilgan. „Zarbdor“ tuman gazetasi 1000 nusxada nashr etiladi.