Carol Heiss
Carol Elizabeth Heiss (Jenkins) (inglizcha: Carol Elizabeth Heiss (Jenkins) ,tugʻ.1940-yil 20-yanvar, Nyu-York[1]) — ayollar oʻrtasidagi yakkalik bahslarida qatnashgan amerikalik figurali uchuvchi. 1960-yilgi Olimpiya chempioni, besh karra jahon chempioni, toʻrt karra AQSh chempioni. Endi figurali uchish boʻyicha murabbiy[2].
| Carol Elizabeth Heiss | |
|---|---|
| Shaxsiy maʼlumotlari | |
| Jinsi | ayol |
| Fuqaroligi |
 AQSh |
| Tavallud sanasi |
20-yanvar 1940-yil New York AQSH |
| Boʻyi | 184 sm |
| Sport | |
| Qaysi sport | figurali uchish |
| Murabbiy(lar)i | Per Brunet |
1960-yilda Skvo vodiysi oʻyinlarida aynan u musobaqaning ochilishida Olimpiya qasamyodini qabul qilgan[3].
Biografiya tahrir
Carol Heiss Nyu-Yorkning Queens shahrida, Ozon bogʻi yaqinida tugʻilib oʻsgan, u yerda u 6 yoshida konkida uchishni boshlagan. Per Brunet tomonidan oʻqitilgan. Shuningdek, Heiss Nyu-York universitetida oʻqigan va uni tamomlagan[4]. 1951-yilda Carol AQSh bolalar chempionatida gʻolib chiqgan. 1952-yilda u oʻsmirlar oʻrtasidagi AQSh chempionatida birinchi boʻldi. 1953- yilda esa u yuqori divizionga koʻtarildi va 1953-yildan 1956- yilgacha milliy chempionatlarda Tenli Olbraytdan keyin ikkinchi boʻldi.
1956-yilda Heiss Kortina d’Ampezzoda (Italiya) boʻlib oʻtadigan Olimpiadaga yoʻllanma oldi. U yerda u yana ikkinchi boʻldi, Olbrayt esa birinchi. Ammo oʻsha yilgi Jahon chempionatida u Tenlini magʻlub etdi — bu Carolning ketma-ket beshta jahon chempionatidagi birinchi oltin medali boʻldi[5].
1956-yilgi Qishki Olimpiya oʻyinlari va Jahon chempionatidan soʻng, Carol Heiss havaskor sportdan professional shoularni boshlashni xohladi. Ammo saraton bilan ogʻir kasal boʻlgan onasi, oʻlimidan oldin (1956-yil) Caroldan havaskorlar safida qolib, unga Olimpiya oltin medalini qoʻlga kiritishni soʻradi. 1957 va 1960-yillar oraligʻida Carol ayollar konkida uchish boʻyicha jahon yakkaliklarida yetakchilik qildi va Skvo vodiysi Olimpiadasida birinchi boʻlib, barcha toʻqqiz hakamdan eng yuqori ball oldi[6].
1960-yilda Heiss havaskor figurali uchishdan nafaqaga chiqqanidan soʻng, Heiss „Oppoq qor va uchta qoʻrgʻon“ filmida ayol bosh rolni oʻynadi[7].
Shahsiy hayot tahrir
Carol erkaklar oʻrtasidagi yakkalik bahslarida 1956-yilgi Olimpiya chempioni — Hayez Alan Jenkinsga turmushga chiqdi[8].
1970-yilgacha Heiss vaqti-vaqti bilan turli shoularda ishtirok etdi. 1970-yilda u Ogayo shtatining Akron shahrida sportchilarni tayyorlashni boshladi va keng tanildi. Timoti Geybl va Miki Ando uning shogirdlari edi.
Sport yutuqlari tahrir
| Musobaqalar/mavsum | 1953 yil | 1954 yil | 1955 yil | 1956 yil | 1957 yil | 1958 yil | 1959 yil | 1960 yil |
| Qishki Olimpiya oʻyinlari | 2 | 1 | ||||||
| Jahon chempionatlari | 2 | 1 | 1 | 1 | 1 | 1 | ||
| Shimoliy Amerika chempionati | 2 | 1 | 1 | |||||
| AQSh chempionati | 2 | 2 | 2 | 2 | 1 | 1 | 1 | 1 |
Manbalar tahrir
- ↑ https://ru.frwiki.wiki/wiki/Carol_Heiss
- ↑ https://ru.frwiki.wiki/wiki/Carol_Heiss
- ↑ https://ru.frwiki.wiki/wiki/Carol_Heiss
- ↑ https://ru.frwiki.wiki/wiki/Carol_Heiss
- ↑ https://www.vashdosug.ru/msk/person/kerol-hejss/
- ↑ https://www.vashdosug.ru/msk/person/kerol-hejss/
- ↑ Snow White and the Three Stooges IMDbda
- ↑ https://www.vashdosug.ru/msk/person/kerol-hejss/