Chashushuli

Chashushuli (gruzincha:ჩაშუშული — „pishiriq“) — gruzin oshxonasining taomidir. Goʻsht (asl retsept boʻyicha Dana goʻshti) pomidor bilan qovuriladi. Mazkur yegulik Gruziya oshxonasining asosiy goʻshtli taomlaridan biri, masalan, Gruziyadan tashqarida Satsivi yoki chaxoxbili taomlari u qadar ommalashmagan.

Chashushuli

Chashushuli Finlyandiyaning Espoo shahridagi oshxonada

Tarkibi

Taomning asosiy tarkibiy qismlari goʻsht (klassik retsept boʻyicha Dana goʻshti, lekin zamonaviy retseptida mol goʻshti qoʻllanishi ommalashgan; qoʻzichoq goʻshtidan esa kamdan-kam holatlarda foydalaniladi) va pomidordan (yoki tomat pastasi) iborat. Shuningdek, bir qator retseptlarda shirin qalampir ishlatiladi, koʻpincha sariq va yashil qalampirning kombinatsiyasi keng ommalashgan. Kerakli komponentlar orasida piyoz va sarimsoq ham bor. Ziravorlar sifatida anʼanaviy ravishda qoʻllaniladigan tuz va qora qalampirdan tashqari ajika, suneli hops, maydanoz, arpabodiyon, shilantro, maydalangan koriander va maydalangan achchiq qizil qalampir ishlatilishi mumkin.

Tayyorlanilishi

Goʻsht mayda boʻlaklarga boʻlinib, kuchli olovda qovurish uchun moʻljallangan chuqur idishda yoki klassik retsept boʻyicha qozonda qovuriladi. Goʻshtdagi suyuqlik bugʻlangandan soʻng, toʻgʻralgan piyoz qoʻshiladi. Piyoz yumshaganidan soʻng, idishga issiq qaynatilgan suv qoʻshiladi va past olovda qaynatiladi. Agarda zarur boʻlsa oz miqdorda qoʻshimcha suv qoʻshish mumkin.

Goʻsht deyarli tayyor boʻlgach, unga tozalangan pomidor (yangi yoki oʻz sharbatida) va tomat pastasi, ziravorlar qoʻshiladi. Taom dasturxonga tortilishidan oldin mayda toʻgʻralgan koʻkatlar bilan bezatiladi.

Taomni dasturxonga tortishda u ketsi nomli idishda garniturasiz; lavash va oq sharob bilantaqdim etiladi.