Co Adriaanse
Co Adriaanse (talaffuzi: Ko Adrianse; 1947-yil 21-iyul Amsterdam) – gollandiyalik futbolchi va futbol murabbiyi.
 Adriaanse 2009-yilda | |||
| Shaxsiy maʼlumot | |||
|---|---|---|---|
| Tavallud sanasi | 21-iyul 1947-yil | ||
| Tavallud joyi | Amsterdam, Gollandiya | ||
| Ampluasi | Himoyachi | ||
Faoliyati tahrir
Co Adriaanse 6 yil De Voleykkers professional klubida oʻynagan (1964-yildan 1970-yilgacha), keyingi 6 yilni Utrextda (1970—1976) oʻtkazgan va 29 yoshida klubni tark etgan.
Murabbiylik faoliyati tahrir
Ilk yillari tahrir
Murabbiylik faoliyatini 1979-yilda Zilvermeuen jamoasida boshlagan, 4 yildan soʻng Adrianse AZga skaut va yoshlar murabbiyi sifatida qoʻshilgan. Bir yil oʻtgach, 1984—1985-yilgi mavsumda u PEC Zwolle bilan ikki yillik shartnoma imzolagan va shartnoma tugaganidan keyin ADO Den Haag bilan xuddi shunday shartnoma imzolagan. Keyin Co 5 mavsum davomida Amsterdamning „Ajax“ yoshlar jamoasi murabbiyi lavozimini egallagan.
„Villem II“ tahrir
Uning murabbiylik faoliyatidagi keyingi jamoasi Villem II boʻlgan. Birinchi chempionatda beshinchi oʻrinni egallaganidan soʻng, Adriaanse jamoa bilan ikkinchi oʻrinni egallagan va „Gollandiyada yil jamoasi“ unvonini olgan. Bu esa turnir jadvalining eng quyi pogʻonasini egallashi bilan tanilgan jamoa Chempionlar ligasida ishtirok etishini anglatgan. Ammo Chempionlar ligasi Villem uchun katta toʻsiq boʻlgan va ular guruh bosqichidagi kurashni atigi 2 ochko bilan yakunlashgan („Spartak“ va „Bordo“ bilan durang oʻynashgan). Ushbu muvaffaqiyatsiz ishtirokdan soʻng, Co Adriaanse 2000-yil 20-mayda klubni tark etgan.
„Ajax“ tahrir
Adriaanse „Ajax“ga murabbiy sifatida qaytgan, ammo debyut mavsumida 3-oʻrinni egallaganidan soʻng, 2001-yilning 29-noyabrida ishdan boʻshatilgan. „Ajax“ning navbatdagi bosh murabbiyi Ronald Kuman jamoani 29-marta Gollandiya chempioniga aylantirgan.
AZ tahrir
2002-yilning noyabrida Co Adriaanse AZ klubi bilan shartnoma imzolagan. Birinchi mavsumda 10-oʻrinni egallagandan soʻng, keyingi mavsumda 5-oʻrinni egallab, jamoaga 2004—2005-yilgi UEFA kubogida qatnashish imkonini qoʻlga kiritgan.
Portu tahrir
2005—2006-yilgi mavsumda Co Adriaanse boshchiligidagi jamoa Portugaliya chempioni boʻlgan.
Qatar olimpiya terma jamoasi tahrir
2010-yil 14-yanvarda Adriaanse Qatar olimpiya terma jamoasini boshqarish uchun, 2,5 yillik shartnoma imzolagan[1].
Tvente tahrir
2011-yilning 20-iyunida Co Tvente klubiga bosh murabbiy etib tayinlangan. Shartnoma 1 yil muddatga imzolangan[2][3].
Yutuqlari tahrir
Portu
- Portugaliya chempioni: 2005—2006
- Portugaliya kubogi sohibi: 2005—2006
Red Bull
- Avstriya chempioni: 2008—2009
- Gollandiya Superkubogi sohibi: 2011-yil
- Shaxsiy yutuqlari
- Gollandiyaning eng yaxshi murabbiyi: 2004-yil
- Portugaliyada yilning eng yaxshi murabbiyi: 2006-yil
Manbalar tahrir
- ↑ „Co Adriaanse coach Jong Qatar“ (nl). NOS.nl. 2023-yil 10-yanvarda asl nusxadan arxivlangan. Qaraldi: 2023-yil 10-yanvar.
- ↑ „Co Adriaanse trainer FC Twente“ (nl). Officiële website van FC Twente (2011-yil 20-iyun). 2012-yil 21-martda asl nusxadan arxivlangan. Qaraldi: 2011-yil 28-iyun.
- ↑ „Co Adriaanse gepresenteerd in Enschede“ (nl). Officiële website van FC Twente (2011-yil 27-iyun). 2012-yil 3-martda asl nusxadan arxivlangan. Qaraldi: 2011-yil 28-iyun.