Columbo - Richard Levinson va William Link tomonidan yaratilgan Amerika detektiv teleseriali. Ilk namoyishi 1968-yilda bo'lib o'tgan; 1971—1978-yillarda muntazam ravishda suratga olingan (69 epizoddan 44 tasi), tanaffusdan so'ng 1989—2003-yillar davot ettirilgan.

Columbo

Janr detektiv, kriminal drama
Gʻoya muallifi Richard Levinson, William Link
Produser Richard Levinson, William Link
Ssenariychi Richard Levinson, William Link
Bosh rollarda Peter Falk
Mamlakat AQSH bayrogʻi AQSh
Telekanal NBC, ABC
Ekranlarda 20-fevral 1968-yildan
30-yanvar 2003-yilgacha
Seriya davomiyligi 73-98 daqiqa
Seriyalar soni 69

Los Angeles politsiyasi qotillik bo'limining tergovchisi leytenant Kolomboning rolini aktyor Peter Falk ijro etgan.

Serial g'oyasiTahrirlash

Serialning bosh qahramoni, Los-Anjeles politsiyasining qotillik boʻlimi xodimi leytenant Kolombo oʻz davri uchun juda noodatiy politsiya tergovchisi obraziga ega edi. Oʻsha davrda keng tarqalgan shafqatsiz yoki oʻta aqlli detektiv qahramonlardan farqli oʻlaroq, Kolombo oddiy va hatto biroz begʻubor koʻrinishga ega, juda sodda, garchi doim odobli boʻlsa ham, umuman olganda, yuqori toifali detektiv emas, balki ishchi kasb egasiga oʻxshardi. Kolombo qiyofasi juda muvaffaqiyatli bo'lib chiqdi va darhol tomoshabinlar e'tiborini tortdi.

Serialdagi jinoyatchilar deyarli faqat aqlli, hurmatli va nufuzli odamlar, nufuzli kasblar va yuqori jamiyat vakillari: muvaffaqiyatli yuristlar va shifokorlar, arxitektorlar, biznesmenlar, siyosatchilar, generallar, yozuvchilar, shoumenlar. Kolombo, o'zining kamtarona g'ijim yomg'ir paltosida, eski, tez-tez buzilib turadigan mashinasidada, o'zgarmas arzon sigarasi bilan qimmatbaho kostyumlardagi raqiblari bilan keskin farq qiladi. U unchalik aqlli emasdek ko'rinadi, doyim beo'xshov bo'lishga harakat qiladi. Vaholanki, bu obraz ortida oʻtkir aql, mushohada, matonat va psixologiyani chuqur bilishi yotadi. Deyarli har doim Kolombo qotil kimligini birinchi uchrashuvdan sezilmaydigan tafsilotlarga ko'ra aniqlaydi. Kolomboning tergov usuli - mayda detallargacha sinchikovlik bilan e'tibor qaratish orqali jinoyatning tasvirini shakllantirishdir.

Yaratilish tarixiTahrirlash

 
Peter Falk, Richard Kiley, Colombo 1974

Avvaliga Peter Falk serialda suratga tushishdan bosh tortdi. U tez-tez televizorda paydo bo'lar va serialdagi advokat yoki politsiyachi obraziga qaram bo'lishni istamas edi. Ammo produserlar bilan uzoq davom etgan muzokaralardan so'ng, Folk 1968-yilda chiqarilgan "Qotillik uchun retsept" nomli ilk sonda rol o'ynashga rozi bo'ldi. Ilk taqdimot juda muvaffaqiyatli bo'ldi va Kolomboning birinchi epizodlarini suratga olishga tayyorgarlik boshlandi, ammo ular faqat 1971-yilda chiqarilgan. "Kolombo" politsiya detektivi haqidagi o'sha davrdagi boshqa seriallardan farqi shundaki, uning bosh qahramoni oddiy odam, qotillik bo'limining tergovchisiga o'xshamaydi, keng kostyumlar kiyadi, xotini haqida qayg'uradi va it boqadi.

Produserlar tomoshabinlar murakkab, ammo sekin harakatlanuvchi syujetdan zerikib qolishidan xavotirda edilar va bir necha bor zo'ravonlik bilan bog'liq elementlarni kiritishga harakat qilishgan. Ammo Falk bu qarorni qat'iyan rad etdi.

Folk boshqa aktyorlaridan to'g'ri mashq qilish uchun ko'proq vaqt talab qilishi bilan bilan ajralib turardi. U ssenariy mualliflari va produserlar oldiga qo'ygan yuksak talablari bilan yodda qoldi. William Link'ning eslashicha: «Peter huddi tikandek edi. Bahslashishdan charchaganimiz uchun biz unga bu qanchalik qiyinligini isbotlash uchun oʻz ssenariysini yozishga ruxsat berdik”. Richard Levinson suratga olish rejalashtirilgan o'n ikki kun emas, balki o'n uch yoki o'n to'rt kun davom etganini eslaydi: "U bizni bu film uchun ancha yaxshi bo'lishiga ishontirdi".

Ssenariy mualliflarining ishidan qoniqmagan Folk 1977-yilda loyihani tark etdi. 1989-yilda qaytib kelgan Folk har bir epizod uchun 600 000 dollardan ko'p haq evaziga ishlashini bildirdi. "Gap pulda emas, tamoyilda", deydi aktyor. "Men ular o'z ishimga jiddiy yondoshishim va bu ish eng yuqori darajada bo'lishi kerakligini bilishlarini istayman."[1]

MukofotlarTahrirlash

Yil Mukofot Kategoriya Laureat Natija
1972 «Oltin globus»[2] Dramatik serialdagi eng yaxshi erkak roli uchun Peter Falk nomzod
1973 g'olib
1974 Eng yaxshi dramatik serial nomzod
Dramatik serialdagi eng yaxshi erkak roli uchun Peter Falk nomzod
1975 Eng yaxshi dramatik serial nomzod
Dramatik serialdagi eng yaxshi erkak roli uchun Peter Falk nomzod
1976 Eng yaxshi dramatik serial {nomzod
Dramatik serialdagi eng yaxshi erkak roli uchun Peter Falk nomzod
1977 «Emmy» Dramatik serialdagi eng yaxshi erkak roli uchun Peter Falk nomzod
1978 Eng yaxshi dramatik serial nomzod
Dramatik serialdagi eng yaxshi erkak roli uchun Peter Falk nomzod
Serail uchun eng yaxshi musiqa nomzod
Teleserialning eng yaxshi montaji uchun nomzod
«Oltin globus» Eng yaxshi dramatik serial nomzod
Dramatik serialdagi eng yaxshi erkak roli uchun Peter Falk nomzod
1990 «Emmy» Dramatik serialdagi eng yaxshi erkak roli uchun Peter Falk nomzod
Dramatik serialga taklif qilingan eng yaxshi erkak Patrick Joseph McGoohan («Qotillik ssenariysi» epizodi) g'olib
1991 «Oltin globus» Dramatik serialdagi eng yaxshi erkak roli uchun Peter Falk nomzod
«Emmy» Dramatik serialdagi eng yaxshi erkak roli uchun Peter Falk nomzod
Dramatik serialga taklif qilingan eng yaxshi erkak Dabney Wharton Coleman («Kolombo va rok yulduzning o'limi» epizodi) nomzod
1992 «Oltin globus» Kichik serial yoki telefilmdagi eng yaxshi erkak roli uchun Peter Falk («Kolombo va rok yulduzning o'limi» epizodi) nomzod
1994 «Emmy» Dramatik serialdagi eng yaxshi erkak roli uchun Peter Falk nomzod

ManbalarTahrirlash

  1. Nick Allen. „Peter Falk“ (en). // The Telegraph (24-iyun 2011-yil). 23-dekabr 2015-yilda asl nusxadan arxivlandi. Qaraldi: 20-dekabr 2015-yil.
  2. „Columbo“ (en). // Golden Globe Awards. 4-iyun 2020-yilda asl nusxadan arxivlandi. Qaraldi: 4-iyun 2020-yil.