Dallas
Dallas — AQSH janubidagi shahar, Texas shtatida. Triniti daryosi boʻyida. Aholisi 1188 ming kishi (2000). AQSHning paxtachilik va chorvachilik rayonlari chegarasida joylashgan. Transport yoʻllarining muhim tuguni. AQSH janubidagi yirik savdo-moliya va neftgaz sanoati markazi. Dallasda neft sanoati va paxta tozalash korxonalari uchun uskunalar ishlab chiqariladi. Neftni qayta ishlovchi, kimyo (sovun, sintetik kir yuvish vositalari i. ch.), oziq-ovqat, paxta tozalash, ip gazlama, tikuvchilik korxonalari bor. Samolyotsozlik, avtomobilsozlik, radioelektronika, aviaraketa sanoati, dvigatellar, qishloq xoʻjaligi mashinalari, sovitkichlar i. ch. rivojlangan. D.— yirik paxta bozori. Universitet (1911), xalqaro aeroport, muzey va teatrlar bor. D.ga 1841 yilda asos solingan. 1856 yildan shahar. Dallasda 1963 yil 22 noyabrda AQSH prezidenti Jon F. Kennediga suiqasd uyushtirilgan.[2]
Dallas | |
---|---|
Shahar | |
![]() | |
32°46′58″N 96°48′14″W / 32.78278°N 96.80389°W G OKoordinatalari: 32°46′58″N 96°48′14″W / 32.78278°N 96.80389°W G O | |
Mamlakat | AQSh |
Shtat | Texas |
Hukumat | |
• Mer | Eric Johnson (D) |
Maydon | 9,993 km2 (3,858 mi²) |
Dengiz sathidan balandligi | 131 m |
Aholisi (2010) |
1,197,816(9thU.S.) |
Zichligi | 1358,2 kishi/km2 |
Vaqt mintaqasi | UTC-5, yozda UTC-4 |
Telefon kodi | 214, 469, 972 |
FIPS kodi | 48-19000[1] |
|
Aholisi tahrir
1,197,816 (9thU.S.) nafar aholi istiqomat qiladi (2010 ).[3] Aholi zichligi – har kvadrat kilometrga 1358,2 nafar kishi.
Geografiyasi tahrir
Maydoni — 999,3 km2. Shundan 881,9 km2 quruqlik, 117,4 km2 esa suv maydonidir. Dengiz sathidan oʻrtacha 131 m balandlikda joylashgan.
Manbalar tahrir
- ↑ „American FactFinder“. United States Census Bureau. Qaraldi: 31-yanvar 2008-yil.
- ↑ OʻzME. Birinchi jild. Toshkent, 2000-yil
- ↑ U.S. Census Bureau, Population Division. „Population Estimates, Accepted Challenges to Vintage 2007 Estimates“ (1). Qaraldi: 17-fevral 2010-yil. [sayt ishlamaydi][sayt ishlamaydi]