Daniel Chaves Kastilyo
Daniel Makkenzi Chaves Kastilyo (ispancha: Daniel Mackensi Chávez Castillo. 1988-yil 8-yanvar, Kallao, Peru) – kelib chiqishi Perulik boʻlgan professional futbolchi, hozirda Universitario futbol klubi va Peru terma jamoasi hujumchisi sifatida toʻp suradi.
Klubdagi faoliyati tahrir
Chaves dastlab Peruning mashhur Deportiva Kantolao futbol akademiyasida tajribali futbol murabbiylaridan tahsil oladi. 2006-yilda Chaves Belgiyaning „Bryugge“ klubi bilan faoliyatidagi ilk professional futbolchilik shartnomasini imzolaydi. 2008-yil 29-avgustda Tubizga qarshi oʻyinda u Jupile ligasida debyut qiladi[1]. Oʻsha oʻyinda Chaves „Bryugge“ klubi safidagi ilk golini uradi. 2010-yilning yozida oʻyin amaliyotini rivojlantirish maqsadida Chaves Vesterloga koʻchib oʻtadi. 31-iyul kuni „Gent“ klubiga qarshi bahsda u oʻzining yangi klubi safida debyut qiladi[2]. Lokerenga qarshi oʻyinda Chaves Vesterlo uchun oʻzining birinchi golini uradi.
2011-yilning yozida Chaves Ruminiyaning Oceluli klubiga koʻchib oʻtdi. Ruminiya kubogi doirasidagi Ramnikuga qarshi bahsda u asosiy tarkibda maydonga tushish orqali debyut qiladi.
2012-yil boshida Chaves vataniga qaytib, Union Comercio bilan shartnoma imzolaydi. Xuan Aurich klubiga qarshi oʻyinda u Peru Primerasida dastlabki debyutini qiladi. Xuddi shu oʻyinda Chaves „Union Komersio“ safidagi ilk golini urdi. 2013-yil boshida Chaves Universidad Sezar Valyexoga kelib qoʻshildi. 18-fevral kuni boʻlib oʻtgan oʻzining avvalgi klubi „Union Comercio“ ga qarshi oʻyinda u yangi jamoasida debyut qiladi[3]. Xuddi shu oʻyinda Chaves „Universidad Cesar Vallejo“ safidagi ilk golini uradi. 2014-yilda Sudamerikana kubogi doirasidagi Universitarioga qarshi oʻyinda Chaves ikkita gol uradi[4][5]. 2015-yilda u Universidad Sezar Valyexo klubiga Peru kubogini yutishda katta yordam beradi.
2017-yil boshida Chaves Melgar klubiga transfer qilinadi. 11-fevral kuni boʻlib oʻtgan Ayacuchoga qarshi oʻyinda u yangi jamoasida debyut qiladi[6]. 3-mart kuni „Sporting Kristal“ ga qarshi oʻyinda Daniel Melgar uchun oʻzining dastlabki golini uradi[7]. Oʻsha-yilning yozida Chaves Universitarioga koʻchib oʻtadi. 20-avgust kuni oʻzining sobiq klubi „Union Comercio“ga qarshi oʻyinda u yangi jamoasida debyut qiladi[8]. 5-noyabr kuni „Comerciantes Unidos“ ga qarshi oʻyinda Chaves „Universitario“ safidagi ilk golini urdi[9]. 2018-yil 27-yanvar kuni Libertadores kubogi doirasida Boliviyaning Oriente Petrolero jamoasiga qarshi oʻyinda u gol urdi[10].
Terma jamoadagi faoliyati tahrir
2008-yil 31-mayda Ispaniya terma jamoasiga qarshi oʻrtoqlik uchrashuvida Chaves Peru terma jamoasi safida debyut qildi[11]. 2015-yil 5-sentabrda AQSH terma jamoasiga qarshi oʻyinda Peru terma jamoasi safidagi ilk golini urdi[12].
Peru safidagi gollari tahrir
| # | Sana | Joy | Raqib | Hisob | Umumiy natija | Musobaqa |
|---|---|---|---|---|---|---|
| 01. | 2015-yil 5-sentyabr | Memorial stadioni, Vashington, AQSh | AQSH | 0 : 1 | 2 : 1 | Oʻrtoqlik uchrashuvi |
Erishgan yutuqlari tahrir
Terma jamoada
Universidad Cesar Vallejo
- Peru kubogi gʻolibi – 2015-yil
Manbalar tahrir
- ↑ „Тюбиз VS. Брюгге 1:4“ (en). soccerway.com (2008-yil 29-avgust).
- ↑ „Вестерло VS. Гент 0:1“ (en). soccerway.com (2010-yil 31-iyul).
- ↑ „Универсидад Сесар Вальехо VS. Унион Комерсио 3:1“ (en). soccerway.com (2013-yil 18-fevral).
- ↑ „Университарио VS. Универсидад Сесар Вальехо 2:2“ (en). soccerway.com (2014-yil 18-sentyabr).
- ↑ „Универсидад Сесар Вальехо VS. Университарио 3:0“ (en). soccerway.com (2014-yil 24-sentyabr).
- ↑ „Аякучо VS. Мельгар 1:3“ (en). soccerway.com (2017-yil 11-fevral).
- ↑ „Мельгар VS. Спортинг Кристал 2:2“ (en). soccerway.com (2017-yil 3-mart).
- ↑ „Университарио VS. Унион Комерсио 3:2“ (en). soccerway.com (2017-yil 20-avgust).
- ↑ „Комерсиантес Унидос VS. Университарио 1:1“ (en). soccerway.com (2017-yil 5-noyabr).
- ↑ „Университарио VS. Ориенте Петролеро 1:1“ (en). soccerway.com (2018-yil 27-yanvar).
- ↑ „Испания VS. Перу 2:1“ (en). soccerway.com (2008-yil 31-may).
- ↑ „США VS. Перу 2:1“ (en). soccerway.com (2015-yil 5-sentyabr).