Davron Iskandarov
Davron Iskandarov (1905-yil, Samarqand – 1938-yil, Toshkent) – 1905-yilda Samarqand okrugining Dargʻom tumanidagi Madorif qishlogʻida tugʻilgan. Otasi ishchi boʻlib, Samarqanddagi gʻisht zavodida ishlagan. 1924-yilda vafot qilgan. Davron Iskandarov 1915-yilgacha otasi qoʻlida boʻlgan boʻlsa, 1915—1918-yillarda oʻz qishlogʻidagi boylarning qoʻlida choʻponlik qilgan. 1918-yildan 1921-yilgacha Samarqand shahridagi gʻisht zavodida ishlagan. 1921—1924-yillarda ustaga shogird tushib, ustaxonada faoliyat yuritadi. 1924-yilda kommunistik partiyaga nomzod sifatida qabul qilinadi. 1925-yilda partiya safiga toʻliq aʼzo boʻlib kiradi. 1924—1925-yillarda Samarqand shahridagi okrug sovet partiya maktabida oʻqigan. 1925-yil mayidan 1926-yilgacha Dargʻom tumanida partiya tashkilotchisi boʻlib ishlagan[1].
| Davron Iskandarov | |
|---|---|
| Tavalludi |
1905-yil |
| Vafoti |
1938-yil Toshkent |
| Fuqaroligi |
 SSSR |
| Taʼlimi | O‘rta Osiyo marksizm-leninizm instituti |
| Faoliyat yillari | 1924—1937 |
1928-yilga kelib Oʻz VKP (b) ning Oqdaryo partiya komiteti kotibi etib tayinlanadi. Oqdaryoda 1929-yilga qadar ishlaydi. 1929—1930-yillarda Oʻz VKP (b) Ikromov raykomi kotibi vazifasida faoliyat yuritadi. 1930-yilga kelib okruglar tugatiladi. Natijada Oʻz VKP (b) Samarqand okrugining partiya qo'mitasi kotibi Byurosi a'zosi va Tashkiliy bo'limda mudir sifatida faoliyat ko'rsatadi.
1931-yilning avgustida Oʻrta Osiyo marksizm-leninizm institutida tahsil olish uchun Toshkentga yuboriladi. 1933-yildan boshlab shu institutning partiya tashkilotida kotib boʻlib ishlaydi. Partiyaning 6-qurultoyida Oʻz VKP (b) Markaziy Komitetiga va 5-sovetlar syezdida OʻzSSR Markaziy Ijroiya qoʻmitasi aʼzoligiga saylanadi.
Oʻzbek, rus, tojik tillarini mukammal bilgan. Paxta chopigʻini kechiktirgani va ziyofatda qatnashgani uchun hayfsan olgan[2].
1938-yil 5-oktyabrda SSSR Oliy sudi Harbiy kollegiyasi sayyor sessiyasining sud majlisida oʻlimga hukm qilinadi va oʻsha kuni otib tashlanadi. Keyinchalik aybsizligi isbotlangan.
Manbalar
tahrir- ↑ Rustambek Shamsutdinov. Коллективлаштириш ва “катта террор” даврида қатагон қилинган ватандошларимизнинг xoтиpa китоби. Тошкент: Янги аср авлоди, 2015 йил — 326-bet. ISBN 978-9943-27-589-9.
- ↑ Rustambek Shamsutdinov. O'zbekistonda sovetlarning qatag'on siyosati va uning oqibatlari (1-kitob). Sharq Toshkent 2012 — 123-bet. ISBN 978-9943-00-481-8.