Denis Pushilin

Denis Vladimirovich Pushilin (1981-yil 9-mayda Ukrainaning Donetsk viloyati Makeyevka qishlogʻida tugʻilgan) – siyosatchi va tan olinmagan Donetsk Xalq Respublikasi (DXR) rahbari (2018-yil 20-noyabrdan). Donetsk Xalq Respublikasi Xalq Kengashi aʼzosi (2015-2018). DXR Oliy kengashi prezidiumi aʼzosi (2014-yil may-iyul). 1998-yilda 1-sonli Makeyevka litseyini bitirgan. 1999-2000-yillarda Ukraina Milliy gvardiyasida harbiy xizmat oʻtagan. Donbass milliy qurilish va arxitektura akademiyasida tahsil olgan. 2002-yildan „Solodke jittya“ nomli savdo firmasida ish boshlagan. 2011-2013-yillarda Sergey Mavrodining „MMM“ deb atalgan moliyaviy piramidasida asosiy tashkilotchilardan biri boʻlgan. „MMM“ siyosiy partiya maqomiga erishgach, Denis Pushilin uning asosiy aʼzosiga aylangan. Ushbu partiya vakillari 2013-yilda Ukraina Oliy Radasida 19 oʻringa ega boʻlgan. 2014-yil 5-aprelda Donetsk viloyati gubernatori Pavel Gubaryovning oʻrinbosari etib tayinlangan. 7-aprelda Ukraina sharqida Donetsk Xalq Respublikasi deb atalgan davlat tuzilgani eʼlon qilingach, Pushilin davlatning muvaqqat hukumati vakili etib tayinlangan. 2014-yil 15-mayda DXR Oliy Kengashi prezidiumi aʼzosi boʻlgan. 2014-yil 18-iyulda esa isteʼfoga chiqib, Moskvaga ketgan. 2014-yil 3-noyabrda „Donetsk respublikasi“ siyosiy harakati nomidan DXR Xalq Kengashi deputatligiga saylangan. 2014-yil 9-noyabrda DXR rahbari Aleksandr Zaxarchenko tomonidan Minskdagi uchtomonlama aloqa guruhi vakili etib tayinlangan. 2018-yil 11-noyabrda DXR da boʻlib oʻtgan saylovlarda Denis Pushilin 60.85% ovoz bilan DXR rahbarligiga saylangan. 2021-yil dekabrda „Yagona Rossiya“ partiyasi aʼzosi boʻlgan. 2022-yil 21-fevralda Rossiya bilan oʻzaro hamkorlik va doʻstlik haqida bitim imzolagan. 2022-yil 24-fevralda rus qoʻshinlari Ukrainaga bostirib kirgash, 20 ming nafar DXR qoʻshinlarini Kiyevga qarshi yurishiga buyruq bergan. Ayni vaqtda uning rahbarligidagi DXR hududlarida urush harakatlari ketmoqda.

Adabiyotlar

Denis Pushilіn: Majoritarnі okrugi Kiїvska oblast Okrug № 94 [Denis Pushylin: Majority districts Kyiv oblast District № 94] (in Ukrainian). nbnews.com.ua. 2013. Archived from the original on 6 July 2015. Retrieved 11 September 2015.
Sauer, Pjotr (24 February 2022). „'Their golden hour': Donetsk and Luhansk leaders revel in rising profile“. The Guardian. Moscow. Retrieved 13 June 2022.
„Pro-Russian rebel leader killed in eastern Ukraine blast“. The Washington Post. 31 August 2018.
Parlament DNR smenil ispolnyayuщego obyazannosti glavi respubliki. Meduza (in Russian). Retrieved 7 September 2018.
„Biografiya Denisa Pushilina“ (in Russian). RIA Novosti. 28 August 2014. Archived from the original on 2 September 2014. Retrieved 27 September 2014.