Grek tili — Hind-yevropa tillari oilasining grek guruhiga mansub. Janubiy Balqon yarim orol va unga chegaradosh Ioniya va Egey dengizi boʻylarida hamda Jan. Albaniya, Misr, Janubiy Italiya hududlarida tarqalgan. Bu tilda Gresiyada 9,3 mln., Kiprda 530 mingdan ziyod kishi soʻzlashadi (1990-yillar oʻrtalari). Gresiya va Kiprning (turk tili bilan bir qatorda) rasmiy tili. Grek tili Qad. Maketon tili bilan qarindoshdir. U tarixan 3 davrga boʻlinadi: qad. (yunon tili), oʻrta (5—7-asrlar), yangi (15-asrdan boshlab) Grek tili Bu tilda turli shevalar mavjud. Mazkur til boy adabiyotga ega. Qad. grek (yunon) tilida yozilgan tarixiy va madaniy yodgorliklar saqlanib qolgan.

Grek tili
Mamlakatlar Yunoniston, Albaniya, Makedoniya
Soʻzlashuvchilarning umumiy soni 10000000dan ziyod
Turkum grek
Til oilasi Hind-yevropa
Til kodlari

Grek tilida 5 unli fonema, yuqori va quyi tishlar oraligʻida talaffuz qilinuvchi undoshlar mavjud. Morfologiyasida murakkab feʼl zamonlari va buning analitik shakllari bor. Gap tuzilishiga koʻra soʻzlar erkin tartibga ega. Grek tili lugʻat tarkibida roman, slavyan va turkiy tillardan oʻzlashgan soʻzlar koʻp. Yozuvi yunon alifbosi asosida.[1]

ManbalarTahrirlash

  1. OʻzME. Birinchi jild. Toshkent, 2000-yil