Hoji Abdulaziz Abdurasulov uy-muzeyi
Hoji Abdulaziz Abdurasulov uy-muzeyi – Oʻzbekiston xalq hofizi Hoji Abdulaziz Abdurasulovning yashagan uyida ochilgan uy-muzey[1][2]. Samarqand davlat muzey-qo‘riqxonasining filiali[3]. XII xalqaro „Sharq taronalari“ festivali arafasida foydalanishga topshirilgan[4].
| Hoji Abdulaziz Abdurasulov uy-muzeyi | |
|---|---|
| Umumiy maʼlumot | |
| Turi | uy-muzey |
| Shahar | Samarqand |
| Mamlakat |
 Oʻzbekiston |
| Qurilishi boshlangan | 2019-yil may |
| Qurilishi tugagan | 2019-yil avgust |
| Taʼmirlash narxi | 1,5 milliard soʻm |
| Texnik holati | |
| Qavatlar soni | 1 |
Tarixi
tahrirOʻzbek musiqa sanʼatiga salmoqli hissa qoʻshgan Hoji Abdulaziz Abdurasulov Registon maydoni yaqinidagi uylardan birida istiqomat qilgan. Bu joyda, shogirdlariga musiqa sohasida tahsil bergan. Jumladan, Oʻzbekiston xalq artisti Yunus Rajabiy ham bir muddat sanʼatkordan musiqa ilmi boʻyicha uyda bilimlar olgan[5].
2019-yilda Samarqand viloyati hokimi Erkinjon Turdimov hamda bir guruh jamoatchilik vakillari hofizning uyiga borib, hokim tomonidan mas’ullarga uy-muzeyni tashkil etish boʻyicha topshiriq berilgan.
Qurilishi
tahrir2019-yil may oyidan boshlab, uy-muzeyni tashkil etish ishlari boshlangan. Birinchi navbatda, uyni shaxsiy mulki oʻlaroq foydalangan hofizning qarindoshidan uy sotib olingan. Soʻng, uy kapital taʼmirdan chiqarilib, eksponatlar joylashtirilgan. Umumiy hisobda bu ishlar uchun 1,5 milliard soʻm miqdorda mablagʻ sarflangan[6].
Manzili
tahrirUy-muzey Samarqand shahrining „Koʻkmachit“ mahallasidagi Xoji Abdullaziz Abdurasulov koʻchasi 49-uyda joylashgan. Muzey faoliyatini har kuni 9:00 dan 17:00 gacha olib boradi[7].
Manbalar
tahrir- ↑ „Samarqandda O‘zbekiston xalq hofizi Hoji Abdulaziz Abdurasulov uy-muzeyi ochildi“. Daryo.uz (2024-yil 26-avgust). Qaraldi: 4-dekabr 2024-yil.
- ↑ „Va’daga vafo: Samarqandda Hoji Abdulaziz Abdurasulov uy-muzeyi ochildi“. zarnews.uz. Qaraldi: 4-dekabr 2024-yil.
- ↑ „Hoji Abdulaziz Abdurasulov uy-muzeyi Samarqand davlat muzey-qo‘riqxonasining filiali sifatida tashkil etiladi“. kun.uz (2020-yil 13-fevral). Qaraldi: 4-dekabr 2024-yil.
- ↑ „“Sharq taronalari” oldidan mashhur bastakor va sozanda Hoji Abdulaziz Abdurasulov uy-muzeyi ochildi“. interfax.uz. Qaraldi: 4-dekabr 2024-yil.
- ↑ „Samarqandda mashhur bastakor va sozanda Hoji Abdulaziz Abdurasulovning uy-muzeyi ochildi“. darakchi.uz. Qaraldi: 4-dekabr 2024-yil.
- ↑ „Samarqandda Hoji Abdulaziz Abdurasulov uy-muzeyi ochildi“. xabar.uz (2019-yil 25-avgust). Qaraldi: 4-dekabr 2024-yil.
- ↑ „Hoji Аbdulaziz Аbdurasulov uy muzeyi“. https://samarkandmuseum.uz/.+Qaraldi: 4-dekabr 2024-yil.