Imom at-Termiziy jome masjidi

Imom at-Termiziy jome masjidi
	Masjid
	Imom at-Termiziy jome masjidi
Mamlakat	Oʻzbekiston
Shahar	Toshkent
Joylashuvi	Olmazor tumani, Sebzor dahasi
Soʻngi imom	Yahyo Abdurahmonov
Tarovih
Saharlik va iftorlik
Kutubxona

Imom at-Termiziy jome masjidi – Oʻzbekiston Respublikasi, Toshkent shahar, Olmazor tumanida joylashgan masjid. Ushbu masjid madaniy meros tarixiy yodgorliklari roʻyxatiga kiritilgan hamda davlat muhofazasiga olingan^[1]. Masjid 1876-yilda Ismoil suvoqchi tomonida bunyod etilgan. Ushbu masjid nomi avval Taxtapul deb yuritilgan. 1990-yillarda masjid nomi Imom at-Termiziy jome masjidi ga oʻzgartirilgan. Masjidni nomlanishi Hakim at-Termiziy(arabcha: حكيم الترمذي) sharafiga shu nom bilan nomlangan^[1].

Meʼmorchiligi

Masjid joylashgan mahallaga kirish joyidan shimol tomonda joylashgan. Masjidning eski qismi joylashuvi kunbotar tomoniga toʻgʻri keladi. Imom at-Termiziy jome masjidi ikki qatorli (9.7 x 6.3) karkasdan bunyod etilgan. Pastki bostirma qismi ikkita ustunga tiralgan. Kunbotar tomondagi devorda ravoq qilingan. Masjidni sharq hamda shimol tomondan qoʻshustunli ayvon oʻrab turadi. Masjidning xonaqohi bir vaqtda umumiy 1800 nafar kishiga xizmat qilib, oʻz ichiga oshxona, kutubxona va yana bir qancha xonalarni oladi^[1].

1989 – 2007-yillarda masjidga tegishli maydon exsonlar hisobidan kengaytirilgan. Eski ayvon oyna bilan oʻralgan hamda shimol tomonda yana bir xonaqoh qurilgan. Ikki qavatga ega yangi masjid hovlining shimoli-sharqiy qismida qurib bitkazilgan. Hozirda namoz oʻqish uchun ajratilgan xonaqohning maydoni $1200m^{2}$ maydonni egallaydi^[2].

2017-yil 21-aprel sanasida Prezident Shavkat Mirziyoyev topshirigʻiga koʻra masjid qayta rekonstruksiya qilingan. 2018-yil 16-may sanasida masjid toʻliq foydalanishga topshirilgan^[1]^[3].

Manbalar

↑ ^1,0 ^1,1 ^1,2 ^1,3 „Тарихий масканнинг замонавий қиёфаси“ (2019-yil 27-fevral). Qaraldi: 2024-yil 28-sentyabr.
↑ O'zbekiston obidalaridagi bitiklar Toshkent shahri. Toshkent, UZBEKISTAN TODAY. — 181-bet. ISBN 978-9943-4510-2-5.
↑ „Toshkentdagi yangi qiyofaga kirgan “Imom at-Termiziy” jome masjidi“ (2019-yil 28-fevral).

Oʻzbekison masjidiga oid ushbu maqola chaladir. Siz uni boyitib, Vikipediyaga yordam berishingiz mumkin.

Adabiyotlar

O'zbekiston obidalaridagi bitiklar Toshkent shahri. Toshkent: Toshkent, Uzbekistan today, 2016 — 478-bet. ISBN 978-9943-4510-2-5.

Havolalar

[:0-1] 1,0 ^1,1 ^1,2 ^1,3 „Тарихий масканнинг замонавий қиёфаси“ (2019-yil 27-fevral). Qaraldi: 2024-yil 28-sentyabr.

[2] O'zbekiston obidalaridagi bitiklar Toshkent shahri. Toshkent, UZBEKISTAN TODAY. — 181-bet. ISBN 978-9943-4510-2-5.

[3] „Toshkentdagi yangi qiyofaga kirgan “Imom at-Termiziy” jome masjidi“ (2019-yil 28-fevral).

[1]

[2]

[3]