Iustin Pranaytis
Iustin (Yustin) Bonaventura Pranaytis (litovcha: Justinas Bonaventūra Pranaitis, 1861-yil 27-iyul, Panenupya, Suvalki viloyati – 1917-yil 28-yanvar, Petrograd[1]) – litvalik rus diniy arbobi, antisemit yozuvlar muallifi.
| Iustin Bonaventura Pranaytis | |
|---|---|
 | |
| Tavalludi |
27-iyul 1861-yil Panenupya, Suvalki viloyati |
| Vafoti |
28-yanvar 1917-yil (55 yoshda) Petrograd |
| Fuqaroligi |
 Rossiya imperiyasi |
| Taʼlimi | Imperator Rim-katolik diniy akademiyasi |
Hayoti
tahrirIustin Bonaventura Pranaytis 1861-yil 27-iyulda tugʻilgan. U Griskabudis va Mariyampolk maktabini tugatgan, shundan soʻng 1878-yilda Seynidagi diniy seminariyaga oʻqishga kirdi. 1883-yilda Sankt-Peterburgdagi Imperator Rim-katolik diniy akademiyasiga oʻqishga kirdi. 1887-yildan ilohiyot magistri, bir yil oldin esa ruhoniy boʻldi. Ilohiyot akademiyasini tugatgandan soʻng, u ibroniy tilidan dars berdi. „Christianus in Talmude Iudaeorum sive Rabbinicae doctrinae de Christianis secreta“ antisemitizm kitobi nashr etilgandan keyin shuhrat qozondi. Ushbu kitob 1892-yilda Sankt-Peterburgda nashr etilgan va bir qator Yevropa tillariga tarjima qilingan. Iustin Bonaventura oʻsha davrning eng koʻzga koʻringan ibronist va semitologi D.A.Xvolsonning shogirdi boʻlgan.
1894-yilda Pranaitis zarar yetkazganlikda ayblanib sudlangan. Bir muddat Tverga surgun qilingan, 1902-yilda esa Toshkentga yuborilgan[2][3]. Uning tashabbusi bilan Toshkent, Buxoro, Samarqand, Ashxobodda katolik cherkovlari qurilgan. Mashhur loyihalaridan biri bu Iso Masih yuragi sobori-jomeʼsi hisoblanadi. U faol missionerlik faoliyati bilan shugʻullangan. Xususan, Turkiston garnizonida targʻibot ishlarini amalga oshirgan.
1913-yil sentyabr-oktyabr oylarida Iustin Pranaytis nasroniy bolani marosim bilan oʻldirishda ayblangan.
Politsiya boʻlimining maxsus topshiriqlar boʻyicha xodimi P. N. Lyubimov sud jarayoni boʻyicha maʼlumotlarni toʻplagan.
Adabiyotlar
tahrir- Тагер А. С. Царская Россия и дело Бейлиса.
Manbalar
tahrir- ↑ Scapegoat on Trial: The Story of Mendel Beilis - The Autobiography of Mendel Beilis the Defendant in the Notorious 1912 Blood Libel in Kiev, Beilis, Mendel, Introd. & Ed. By Shari Schwartz, CIS, New York, 1992
- ↑ R. Jałbrzykowski, Pranajtis Justyn, [w:] Podręczna Encyklopedia Kościelna, t. 31-32, Kraków 1913, s. 400.
- ↑ Царская Россия и дело Бейлиса, Tager, A., Moscow, 1934
Havolalar
tahrir- Pranaitis, Justinas(olm.)