Janet Yellen
Janet Luiza Yellen (1946-yil 13-avgustda tugʻilgan) – amerikalik iqtisodchi, 2021-yil 26-yanvardan beri Qoʻshma Shtatlarning gʻaznachiligining kotibi. 2014-yildan 2018-yilgacha Federal rezerv tizimining raisi boʻlib ishlagan. Oq uyning Iqtisodiy maslahatchilar kengashini boshqargan va ikkala lavozimni egallagan birinchi ayoldir[1][2].
| Janet Yellen | |
|---|---|
 2021-yilgi portreti | |
| AQSh moliya vaziri | |
|
Mansab davri 2021-yil 26-yanvardan | |
| Prezident |
Barack Obama Donald Trump |
| Oʻtmishdoshi | Steven Mnuchin |
| Federal zaxira raisi o'rinbosari | |
|
Mansab davri 2010-yildan – 2014-yilgacha | |
| Oʻtmishdoshi | Donald Kohn |
| Vorisi | Stanley Fischer |
| AQSh federal zaxirasi kengashi aʼzosi | |
|
Mansab davri 2010-yildan – 2018-yilgacha | |
| Oʻtmishdoshi | Mark W. Olson |
| Vorisi | Lisa D. Cook |
| Shaxsiy maʼlumotlari | |
| Tavalludi |
Janet Louise Yellen 13-avgust 1946-yil Brooklyn, New York City, U. S. |
| Siyosiy partiyasi | Demokratlar |
| Turmush oʻrtogʻi |
George Akerlof (turm. 1978) |
| Bolalari | 1 |
| Taʼlim |
Braun universiteti (bakalavr) Yel universiteti (magistr, PhD) |
Bruklindagi Bay Ridjda tugʻilib oʻsgan Yellen 1967-yilda Braun universitetini tamomlagan va 1971-yilda Yel universitetida iqtisod boʻyicha PhD darajasini olgan. 1971-yildan 1976-yilgacha Garvard universitetida dars bergan, 1977-yildan 1978-yilgacha Federal zaxira kengashining iqtisodchisi boʻlgan va 1978-yildan 1980-yilgacha London Iqtisodiyot maktabida oʻqituvchi boʻlgan. Yellen Haas biznes maktabi va Berkli Kaliforniya universitetining faxriy professori. 1980-yildan biznes boshqaruvi professori.
Yellen 1994-yildan 1997-yilgacha Federal zaxira boshqaruv kengashining aʼzosi boʻlib ishlagan va prezident Bill Klinton tomonidan bu lavozimga tavsiya etilgan. 1997-yildan 1999-yilgacha Iqtisodiy maslahatchilar kengashi raisi etib tayinlangan. 2004-yildan 2010-yilgacha San-Fransisko Federal zaxira bankining prezidenti va bosh ijrochi direktori. 2010-yildan 2014-yilgacha Federal zaxira raisi oʻrinbosari sifatida ishladi va uch yildan soʻng Ben Bernanke oʻrniga Federal zaxira raisi lavozimini egalladi. Prezident Donald Trump uni ikkinchi muddatga nomzod qilib koʻrsatishdan bosh tortganidan keyin uning oʻrnini Jerome Powell egalladi. Federal rezervdan isteʼfoga chiqqanidan soʻng, Yellen Brukings Institutiga ishqa qaytdi va 2018-yildan 2020-yilgacha ishladi[3].
2020-yil 30-noyabrda oʻsha paytdagi saylangan prezident Joe Biden Yellenni gʻaznachilik kotibi lavozimiga nomzod qilib koʻrsatdi. 2021-yil 25-yanvarda AQSh Senati tomonidan tasdiqlandi va ertasi kuni lavozimga kirishdi[4].
Manbalar
tahrir- ↑ „Биография Джанет Йеллен“ (ru). РИА Новости (2013-yil 9-oktyabr).
- ↑ Сенат США утвердил Джанет Йеллен главой Федеральной резервной системы США, 2014-01-07da asl nusxadan arxivlandi, qaraldi: 2021-02-01
- ↑ Brookings (2020-yil 30-noyabr). „Janet Yellen, Brookings scholar and former Federal Reserve Board Chair, picked to be U.S. Treasury Secretary“. Press-reliz.
- ↑ U.S. Department of the Treasury (2021-yil 26-yanvar). „Janet L. Yellen Sworn In As 78th Secretary of the United States Department of the Treasury“. Press-reliz.