Johann Sebastian Bach

Johann Sebastian Bach (talaffuzi: Iogann Sebastyan Bax; 21-mart, 1685 – 28-iyul, 1750) olmon bastakori va organisti boʻlgan. Xor, orkestr va solo asboblar uchun yaratgan asarlari Barokko davrini shakllantirdi.

Johann Sebastian Bach
Bastakor
Tavalludi	21-mart 1685-yil Ayzenah, Olmoniya
Vafoti	28-iyul 1750-yil(1750-07-28) (65 yoshda) Leipsig, Olmoniya
Fuqaroligi	Saxe-Eisenach va Muqaddas Rim imperiyasi
Otasi	Johann Ambrosius Bach
Onasi	Maria Elisabeth Lämmerhirt

Bach — buyuk nemis kompozitori, mash'hur organ ijrochisi, barokko davri hamda polifoniya uslubining yirik namoyandasi. Bach ijodida oldingi davr musiqa janr yoʻnalishlari (shu jumladan, xor polifoniyasi, protestant xorali, organ musiqasi, italyan operasi, klavesin va klavir musiqasi) umumlashtirilib, oʻz badiiy yakunini topgan. Bach musiqasida polifoniya yoʻnalishlari bilan gomofoniya tizimlari oʻzaro qorishib yagona uslub vujudga keltirgan. Bach merosiga mingdan ziyod asarlar kiradi, ular asosan organ musiqasi, klavir, skripka va boshqa cholgʻular uchun asarlar hamda vokal, vokal-dramatik janrlari va boshqa Bach ijodida organ muhim oʻrin tutadi. U organning yangi imkoniyatlarini ochib berdi, organ prelyudiyasi, fantaziya, tokkata kabi janrlarini fuga bilan birlashtirdi.

Organ uchun yozilgan "„Prelyudiya va fuga c-moll“, „Fantaziya C-dur“, „Tokkata va fuga“, „Passakalya“ va boshqa asarlari jahon musiqasi xazinasidan oʻrin olgan. Bach birinchi boʻlib klavir uchun konsert asarlarini yaratib, yangi uslub kashf etdi (syuitalar, „Xromatik fantaziya va fuga“, „Italyancha konsert“). Klavir musiqasi sohasida yangi „teng tovushqatorli“ tizimning afzalliklarini „Yaxshi temperatsiyalashgan klavir“ toʻplami misolida namoyish qildi. Vokal, vokal-dramatik musiqa janrlarida Bachning 300 ga yaqin diniy kantata, xoral va oratoriyalari („Ioann boʻyicha ehtiroslar“, „Matvey boʻyicha ehtiroslar“, „H-moll katta messasi“, „Magnifikat“) alohida oʻrin tutadi. Bularning mavzulari injil kitobidan olingan boʻlib, mazmunida insoniylik, hayotdan zavqlanish, yuksak goʻzallikka intilish, shodu xurramlik bilan dard-alam hissiyotlari oʻz aksini topgan.

Adabiyotlar

• OʻzME. Birinchi jild. Toshkent, 2000-yil
• Shveyser A., I. S. Bach, M., 1964; Druskin M., Passivnoʻ I. S. Bacha, L., 1972.
• Boyd, Malcolm. Bach. Oxford: Oxford University Press, 2000. ISBN 0-19-514222-5. 
• David, Hans T.; Mendel, Arthur; Wolff, Christoph. The New Bach Reader: A Life of Johann Sebastian Bach in Letters and Documents. New York: W. W. Norton & Company, 1998. ISBN 0-393-31956-3. 
• Eidam, Klaus. The True Life of Johann Sebastian Bach. New York: Basic Books, 2001. ISBN 0-465-01861-0. 
• Forkel, Johann Nikolaus, translated by Charles Sanford Terry (1920). Johann Sebastian Bach: His Life, Art, and Work. New York: Harcourt, Brace and Howe; London: Constable.
• Gardiner, John Eliot. Bach: Music in the Castle of Heaven. New York: Alfred O. Knopf, 2013. ISBN 978-0-375-41529-6. 
• Gardiner, John Eliot. Music in the Castle of Heaven: A Portrait of Johann Sebastian Bach. London: Allen Lane, 2013. ISBN 978-0-7139-9662-3. 
• Geck, Martin. Johann Sebastian Bach: Life and Work. Orlando: Harcourt, 2006. ISBN 0-15-100648-2. 
• Geiringer, Karl. Johann Sebastian Bach: The Culmination of an Era. New York: Oxford University Press, 1966. ISBN 0-19-500554-6. 
• Schweitzer, Albert. J. S. Bach. New York: Macmillan Publishers, 1935. 
• Philipp Spitta (1992). Johann Sebastian Bach: His Work and Influence on the Music of Germany, 1685–1750 in three volumes (Volume 1) Translated by Clara Bell and J. A. Fuller Maitland. Republication of the 1952 Dover edition (with "Bibliographical Note" by Saul Novack)
• Spitta, Philipp. Johann Sebastian Bach: His Work and Influence on the Music of Germany, 1685–1750 (Volume 2). London: Novello & Co, 1899a. 
• Spitta, Philipp. Johann Sebastian Bach: His Work and Influence on the Music of Germany, 1685–1750 (Volume 3). London: Novello & Co, 1899b. 
• Williams, Peter. J. S. Bach: A Life in Music. Cambridge: Cambridge University Press, 2007. ISBN 0-521-87074-7. 
• Williams, Peter. The Life of Bach. Cambridge: Cambridge University Press, 2003. ISBN 0-521-53374-0. 
• Wolff, Christoph. Bach: Essays on his Life and Music. Cambridge, Massachusetts: Harvard University Press, 1991. ISBN 0-674-05926-3. 
• Wolff, Christoph. Johann Sebastian Bach: The Learned Musician. Oxford: Oxford University Press, 2000. ISBN 0-19-816534-X.