Juma namozi

Ey, imon keltirganlar, 
qachonki, juma kunidagi 
namozga (azon) chaqirilsa, 
darhol Allohning zikri sari 
harakatga tushingizlar va 
savdo-sotiqni tark qilingizlar! 
Agar biladigan bo'lsangizlar, 
mana shu (ish) o'zlaringiz 
uchun yaxshidir.

Qurʻon, Jumʼa surasi, 9-oyat

Juma namozi (arabcha: صَلَاة ٱلْجُمُعَة, Ṣalāt al-Jumuʿah) - haftaning har juma kuni peshin namozi vaqtida masjidda ko'pchilik o'qiydigan namozdir.

Malayziyadagi universitetida Juma namozi

Tartibi

Juma namozi ikki rakat farz boʻlib, undan oldin va keyin toʻrt rakat sunnat oʻqiladi. Ilk va oxirgi sunnatlar peshin namozining sunnatlari kabi oʻqiladi. Imomga iqtido qilib oʻqiladigan ikki rakat farz esa, bomdod namozining farzi kabi oʻqiladi. Juma namozida ikki rakat farz oʻqilmasdan oldin imom minbarda xutba qiladi. Juma namozi hur, ozod, muqim, salomatligi joyida, oyoqlari sogʻ kishiga farzdir.

Shartlari

1. peshin namozi oʻqiladigan vaqtda oʻqish;
2. namozdan oldin xutba oʻqish;
3. juma oʻqiladigan joy hammaga ochiq boʻlishi;
4. imomdan tashqari kamida uch kishidan iborat jamoat boʻlishi;
5. imom juma namozini oʻqishi uchun rasman ruxsatli boʻlishi;
6. juma oʻqiladigan joy shahar yoxud shahar hukmida boʻlishi kerak.