Kamikava (Hyogo)

Kamikawa (yaponcha: 神河町 Kamikawa-chō) – Yaponiyaning Hyogo prefekturasi, Kanzaki tumanida joylashgan shaharcha. 30-aprel, 2022-yil(2022-04-30) holatiga koʻra, shaharcha aholisi 10,794 kishidan iborat boʻlib, 4220 xonadon mavjud . Aholi zichligi bir km² uchun 53 kishiga toʻgʻri keladi. Shaharchaning umumiy maydoni 202.23 km².

Kamikawa 神河町
Kamikawa Bayroq Kamikawa Gerb
35°4′0″N 134°44′0″E
Mamlakat	Yaponiya
Prefektura	Hyogo
Tuman	Kanzaki
Asos solingan	2005
Avvalgi nomlari	Okavachi
Qachondan beri	1955
Maydon	202.23 km2 (78.08 kv mi)
Aholisi  (2022-yil, 30-aprel)	10,794
Zichligi	53 kishi/km2
Vaqt mintaqasi	UTC+09:00JST
Hudud ID kodi	64 Teramae, Kamikawa-cho, Kanzaki-gun, Hyogo-ken 679-3116
Kamikawa

Tonomine tepaliklari

Mineyama tepaliklari

Geografiyasi

Kamikava Hyogo prefekturasining markazida joylashgan. Shaharcha hududining 80%ini oʻrmonlar egallaydi. Oʻrmonlar balandligi 1000 metrlik togʻlar bilan oʻralgan. Aholi punktlari Odavara daryosi, Ichi daryosi, Ochi daryosi va Inumi daryosi kabi daryolar boʻylab tor vodiy tubi tekisliklarida tarqalib yotadi. Kamikava hokimyati binosi dengiz sathidan 150 metr balandlikdagi hududda joylashgan.

Qoʻshni shaharlar

• Himeji shahri
• Asago shahri
• Shisō shahri
• Ichikawa shahri
• Taka shahri

Iqlimi

Kamikava nam subtropik iqlimga ega. Yozi issiq, qish esa salqin va yengil qor yoʻgib oʻtadi. Kamikavada oʻrtacha yillik harorat 12,6 °C. Yillik oʻrtacha yogʻin miqdori 1606 mm, eng yomgʻirli oy esa sentyabr. Eng yuqori harorat avgustda 24,4 °C atrofida, eng past harorat esa yanvarda 0,9 °C atrofida boʻladi.

Demografiyasi

Yaponiya aholini roʻyxatga olish tizimi maʼlumotlariga koʻra, Kamikava aholisi soʻngi 70 yil davomida doimiy ravishda kamayib kelmoqda.

Aholining oʻsishi

Yil	Aholi	±%
1960	15 799	—
1970	14 659	−7.2%
1980	14 401	−1.8%
1990	14 492	+0.6%
2000	13 500	−6.8%
2010	12 229	−9.4%

Tarixi

Zamonaviy Kamikava shahrining hududi qadimgi Harima viloyatiga toʻgʻri keladi. Edo davrida u Tokugava syogunligining bevosita boshqaruvi ostida Ximeji klani va Tenryo hududi oʻrtasida boʻlib olingan. Meiji islohoti davriga kelib,Hyogoning Kanzaki tumanida Teramae va Hase qishloqlari vujudga keldi. Ikki qishloq 1955-yil 31-martda birlashtirilib, Okavachi nomi bilan shaharcha maqomini oldi. 1957-yil 1-aprelda Okavachi Asago tumanidagi Ikuno qishlogʻini qoʻshib oldi. Okavachi shaharchasi 2005-yil 7-noyabrda Kanzaki shahri bilan birlashtirildi va Kamikava deb qayta nomlandi.

Hukumati

Kamikava toʻgʻridan-toʻgʻri saylanadigan hokim va 12 aʼzodan iborat shahar kengashiga tomonidan boshqariladigan hokimyatga ega. Kamikava Kanzaki tumanining boshqa shaharlari bilan birgalikda Hyogo Prefekturasi Assambleyasida bir aʼzo oʻrniga egalik qiladi. Milliy siyosat nuqtai nazaridan, shahar Yaponiya Dieti Quyi Palatasining Hyogo 12-okrugiga qarashli hududdir.

Iqtisodi

Kamikava qishloq xoʻjaligi va yengil ishlab chiqarish kabi aralash iqtisodiyotga ega.

Taʼlim

Kamikavada uchta davlat boshlangʻich maktabi, shahar hukumati tomonidan boshqariladigan bitta davlat oʻrta maktabi va Hyogo prefekturasi taʼlim boshqarmasi tomonidan boshqariladigan bitta davlat yuqori maktabi mavjud.

Tashqi havolalar

• Vikiomborda Kamikawa, Hyōgo mavzusiga oid fayllar bor (English)
• Kamikawa rasmiy sahifasi (yaponcha)