Lelia Goldoni
Lelia Vita Goldoni (1936-yil 1-oktyabr – 2023-yil 22-iyul) amerikalik taniqli aktrisa edi. U John Cassavetesning mashhur"Shadows" (1959) filmida ishtirok etgani sabab sanʼat olamida nom qozondi[1]. Aktrisa oʻzining ijodiy faoliyati davomida ikkita BAFTA mukofotiga nomzod boʻlishga erishdi, birinchisi yuqorida aytilgan „Shadows“ filmi uchun va navbatdagisi esa Martin Scorsesening "Alice Doesnʼt Live Here Anymore" (1974) filmidagi mahoratli ijrosi uchun[2].
Bolaligi
tahrirGoldoni Lelia Vita Rizzuto Nyu-York shahrida tugʻilgan va Los-Anjelesda (Kaliforniya) voyaga yetgan. Uning otasi italiyaga mashhur aktyor edi va u beysbolchi Phil Rizzutoning yaqin amakivachchasi boʻlgan[3]. U Los-Anjeles shahar kollejida tahsil olgan va 1950-yillarda Lester Hortonning koʻzga koʻringan yosh raqqosalaridan biri edi[3].
Karyerasi
tahrirGoldoni bolaligidayoq oʻzining ijodiy faoliyatini boshlaganligi bilan boshqa aktrisalardan farqlidir. U ekrandagi karyerasini 1940-yillar oxirida Jozeph L.Mankiewichning " House of strangers „ (1949) va John Hustonning “We were strangers" (1949) filmlarida kichik rollar bilan boshlagan.
Oradan oʻn yil oʻtgach, aktrisa bolaligi oʻtgan Nyu-York shahriga qaytib, aktyorlik studiyasida John Cassavetes bilan tanishib yaqin boʻlganidan soʻng, Goldoni oʻzining "Shadows" (1959) filmidagi roli uchun katta eʼtiroflarga ega boʻldi va kinoshunos tanqidchilarning eʼtiborini tortdi[1]. Film Goldoni aktyorlik karerasini hayratlanarli tarzda boshlab berdi[4]. Unga BAFTA mukofotining „Most promising Newcomer“ nominatsiyasida taqdirlanishga erishdi[2]. The New York Times gazetasi aktrisa haqidagi maqolalarining birida: „U roliga yangilik va taʼsirchan tabiiy goʻzallik olib keladi“,-deb yozgan[5].
Keyinchalik Goldoni Patrick Mac Goohan bilan Britaniyaning 1964-yil suratga olingan "Danger Man" teleserialining „Fair Exchange“ va „Two Birds with One Bullet“qismlarida rol ijro etdi. U keyingi 1965-yilgi "Hysteria" qoʻrqinchli filmida Denise James rolini mahoratli tarzda ijro etdi[6]. 1969-yilda aktrisa "The Italian Job" filmidada paydo boʻldi[2][7].
Shaxsiy hayoti
tahrirGoldoni hayoti davomida ikki marta turmushga chiqdi, birinchi navbatda "Shadows" filmidagi partnyori Ben Carruthersga, keyin esa yozuvchi Robert Rudelsonga[2]. Rudelson bilan uning Aoran ismli farzandi bor edi[2].
Goldoni Nyu York Yankeesning taniqli futbolchisi Phil Rizzutoning amakivachchasi boʻlgan[2].
Mashhur aktrisa 2023-yil 22-iyulda New Jersey shtatidagi Englewood shahridagi Actors Fund Homeda 86 yoshida vafot etdi[2].
Manbalar
tahrir- ↑ 1,0 1,1 Carney, Ray. The Films of John Cassavetes: Pragmatism, Modernism, and the Movies. Cambridge UP, 1994 — 35-bet. ISBN 9780521388153.
- ↑ 2,0 2,1 2,2 2,3 2,4 2,5 2,6 Barnes. „Lelia Goldoni, Actress in ‘Shadows’ and ‘Alice Doesn’t Live Here Anymore,’ Dies at 86“. The Hollywood Reporter. Qaraldi: 2023-yil 27-iyul.
- ↑ 3,0 3,1 „Dancing Co-Ed“ (en). The Cincinnati Enquirer (1954-yil 25-aprel). Qaraldi: 2018-yil 29-iyul.
- ↑ Lane, Lydia. „Hollywood Beauty - Lelia Goldoni Individuality“ (en). Daily Press (1962-yil 20-iyul). Qaraldi: 2018-yil 29-iyul.
- ↑ Crowther, Bosley. „Film Improvised Under Cassavetes Opens“ (en-US). The New York Times (1961-yil 22-mart). Qaraldi: 2023-yil 2-avgust.
- ↑ Cotter, Robert Michael “Bobb” „Goldoni, Lelia (1936-)“, . The Women of Hammer Horror: A Biographical Dictionary and Filmography. McFarland, 2013 — 89-bet. ISBN 9781476602011.
- ↑ Thomas, Kevin. „'The Italian Job' Plot Includes a Big Chase“ (en). The Los Angeles Times (1969-yil 5-sentyabr). Qaraldi: 2018-yil 29-iyul.