Mansur as-Samʼoniy

(Abul Muzaffar) Mansur ibn Muhammad as-Samʼoniy al-Marvaziy, ash-Shofiʼiy (hijriy 426-yil zulhijja oyi (milodiy 1035-yil)da tug‘ilib, 489-hijriy yil rabiulavval oyining 23-sanasi (milodiy 1096-yil))da vafot etgan) — mufassir, muhaddis, mutakallim va usulchi faqih bo‘lgan. Abu Hanifa mazhabida fiqhni o‘rgangan. So‘ngra Bag‘dodda shofiʼiy mazhabiga o‘tgan. O‘z yurtiga qaytib kelganida, uni qabul qilmaganlar. Shu bois, u Tusga chiqib ketgan. Keyin Nishopurga borgan.

Mansur as-Samʼoniy
Shaxsiy maʼlumotlar
Tavalludi	milodiy 1035-yil (hijriy 426-yil)
Vafoti	milodiy 1096-yil (hijriy 489-yil)
Dini	Islom
Tanilgan sohasi	mufassir, muhaddis, mutakallim va usulchi faqih

Asarlari

• „al-Avsat“ („O‘rtamiyonalik“);
• „al-Burhon fi-l-xilof“ („Ixtiloflar ichidagi dalillar“, unda taxminan 1000 ixtilofli masalalar to‘plangan);
• „al-Intisor li asʼhobi-l-hadis“ („Hadis ahlining g‘alabasi“, bu asar uch bobda bo‘lib, birinchi bobda ahlisunna va-l-jamoaga targ‘ib, ikkinchi bobda hadisning fazilatlari, uchinchi bobda esa ilm shajarasi haqida so‘z yuritilgan).