Manzura Madaliyeva
Manzura Abdullayevna Madaliyeva (26 avgust 1947-yil) — ilgʻor oʻqituvchi, Oʻzbekiston Qahramoni.
| Madaliyeva Manzura | |
|---|---|
 | |
| Tavalludi |
26-avgust 1942-yil |
| Fuqaroligi |
 SSSR →  Oʻzbekiston |
| Taʼlimi | Qo'qon davlat pedagogika instituti |
| Kasbi | pedagog |
| Millati | oʻzbek |
| Unvoni | Oʻzbekiston qahramoni |
Tarjimai holi tahrir
1970-yilda Qoʻqon pedagogika institutining matematika fakultetini tugatgan. 1970-yildan Qoʻqon shahridagi 10-maktabda matematika fani oʻqituvchisi sifatida faoliyat olib borgan. Madalieva matematika taʼlimida oʼziga xos maktab yaratgan. U maktabda birinchi boʼlib «matematika fani xonasi»ni tashkil etib, unga matematika tarixiga doir asarlar, matematika fanining buyuk allomalari suratlari, kitoblarini qoʼygan. Viloyatda birinchi boʻlib "Qiziqarli matematika kechasi"ni oʻtkazgan. Madaliyeva birinchi marta matematikadan dars berishda televideniye imkoniyatlaridan keng foydalanishni yoʻlga qoʻygan. Oʻzbekiston televideniyesi uning ssenariysini "Bilmasvoy matematika kechasida" nomi bilan namoyish etgan. Xuddi shunday koʻrsatuv Al-Xorazmiy tavalludining 1200-yilligiga bagʻishlangan xalqaro ilmiy anjuman qantashchilariga ham namoyish etildi[1].
1991 yilda “O'qituvchi” nashriyotida uning ish tajribasi, faoliyati haqida hikoya qiluvchi “Sahnada matematika” nomli kitob nashr qilindi. Risolada matematika fani bo'yicha to'garak mashg'ulotlari va kechalarida o'quvchilarni axloqiy-estetik ruhda tarbiyalash g'oyasi ilgari surilgan. Kitobchadagi didaktik she'rlarni ham Manzura Madalievaning o'zi yozgan. Shuningdek, "Koʻpburchaklar tashkiloti va Ahmad" inssenirovkasi muallifi.[2] 1997-yilda yoshlarga ta'lim va tarbiya berish borasidagi davlat va xalq oldidagi qahramonona mehnati uchun «O'zbekiston Qahramoni» unvoni berilgan[3][4].
Oilali, uch nafar farzandi bor.
Manbalar tahrir
- ↑ Yangi Oʻzbekiston - maktab ostonasidan boshlanadi [Izomaterial]: kitob-albom/ Xalq ta'limi vazirligi -Toshkent: 2021.-256 b.
- ↑ OʻzME. Birinchi jild. Toshkent, 2000-yil
- ↑ O‘zbekiston Respublikasi Prezidentining PF-1833-sonli Farmoni
- ↑ O‘zbekiston Qahramoni unvoni sohibalarining hayoti bilan tanishing
Havolalar tahrir
|
Bu maqolada boshqa til boʻlimlariga ishorat yoʻq. Siz ularni topib va ushbu maqolaga qoʻshib, loyihaga yordam berishingiz mumkin. |
| Ushbu maqolada Oʻzbekiston milliy ensiklopediyasi (2000-2005) maʼlumotlaridan foydalanilgan. |
 | Bu andozani aniqrogʻiga almashtirish kerak. |