'''Magellan''', '''Magalyaynish Fernan''' (taxminan 1470, Portugaliya — 1521.27.4, Maktan o.orol, Fillipin) — portugaliyalik dengizchi sayyoh. M.Magellan ekspeditsiyasi birinchi dunyo aylana suzishni amalga oshirdi. 1505—12 yillarda portugallar ekspeditsiyasida qatnashib ikki marta (1509-11) Malakkagacha borgan. M.Magellan Lissabonga qaytgach, 1517 yil Ispaniyaga oʻtib, Molukka orollariga gʻarbiy yoʻl bilan suzib borish toʻgʻrisidagi oʻzi ishlab chiqqan loyihani Ispaniya qiroliga taqdim qildi. 1519—21 yillarda 5 kemadan iborat Ispaniya ekspeditsiyasi (265 odam)ga boshliq etib tayinlangach, 1519 yil 20 sentabrda Sanlukarde Barrameda bandargohidan (Ispaniya) yoʻlga chiqadi va 1520 yil yanvarda La-Plataning dengiziga quyilish yeriga yetib boradi. Fev.daFevralda janubga suzishni davom ettirib nomaʼlum yerning 2000 km dan ziyod sohilini (M.Magellan u joylarni Patagoniya deb atagan) koʻzdan kechirdi. M.Magellan 1520 yil mart oyida SanXulian buxtasida 3 kemada koʻtarilgan isyonni bostirdi va oʻsha yerda qishlab, 1520 yil avg .daavgustda 4 kemada suzishda davom etdi. Kemalar Olovli Yer oroli bilan materik oraligʻidagi boʻgʻoz (keyinchalik M.Magellan nomiga qoʻyilgan) orqali oʻtib nomaʼlum okeanga chiqdi. M.Magellan hamroxlari keyinroq uni Tinch okean deb atagan. Toʻxtovsiz qariyib 17 ming km masofani oʻtib, avval Mariana orollariga, soʻngra Filippin orollariga yetib borishdi. M.Magellan Maktan o.daorolda mahalliy xalq bilan toʻqnashuvda oʻldirildi. M.Magellan hamrohlari Tinch okean orqali gʻarbga suzib, Afrikaning jan. orqali faqat bitta "Viktoriya" kemasida (X. S. Elkano qoʻmondonligida) 1522 yil Ispaniyaga qaytib, dunyo aylana suzishni yakunladilar. Bu ekspeditsiya Yerning sharsimonligini amalda uzil-kesil isbotladi, yagona Dunyo okeani mavjudligini, Yer yuzasining koʻp qismi suv bilan qoplanganligini koʻrsatdi.
