1925-yil 22-mayda Qarshida «"Qashqadaryo»" nomi bilan viloyat gazetasi chop etilgan. Unga viloyat partiya qo‘mitasi tashviqot bo‘limining mudiri, shoir va adabiyotshunos Abdulla Rahmonov (Gulshaniy) muharrirlik qilgan.
“Novosti Kashkadar'i” gazetasi “Kashkadar'inskaya pravda” nomi bilan 1943-yil 18-iyundan chiqa boshlagan.
1938-yil aprelida Qashqadaryo Buxoro viloyati tarkibiga kiritiladi. Xuddi shu yil iyun' oyidan boshlab «Qashqadaryo haqiqati» gazetasi O‘zbekiston Kompartiyasi Qarshi shahar qo‘mitasi, Qarshi shahar va tuman kengashlari organi sifatida chiqa boshlaydi. 1943 yilga kelib Qashqadaryo yana alohida viloyat bo‘lgach, xuddi shu yil aprel'-may oylarida O‘zbekiston Kompartiyasi Qashqadaryo viloyat tashkilot byurosi va O‘zbekiston Oliy Kengashi Rayosati viloyat qo‘mitasi organi sifatida ikki betlik «Bol'shevik» gazetasi nashr etiladi. 1943 yil iyun' oyidan esa gazeta yana «Qashqadaryo haqiqati» nomi bilan O‘zbekiston Kompartiyasi viloyat qo‘mitasi va viloyat kengashi organi sifatida nashr etila boshlaydi.
1960 yil fevralida Qashqadaryo viloyati tugatilib, Surxondaryo viloyati tarkibiga qo‘shib yuborildi. Shundan so‘ng «Qashqadaryo haqiqati» gazetasi ham o‘z faoliyatini to‘xtatdi. 1964 yilda viloyat qayta tashkil etilgach, «Qashqadaryo haqiqati» yana nashr etila boshlandi.
