'''Sulton uvays togʻi''' - [[Qoraqalpogʻiston]]dagi togʻ tizmasi. [[Qizilqum]]ning shimoli-gʻarbida, [[Amudaryo|Amudare]]ning oʻng [[sohil]]ida. Kenglik boʻylab 40–45 km masofaga choʻzilgan, eni 10–15 km. [[Togʻ]] unchalik baland emas, atrofdagi [[tekislik (maydon)|tekislik]]dan 350–400 m koʻtarilib turadi. Eng baland joylari: Qorachingʻil (485 m), [[Achchitogʻ|Achchiktogʻ]] (473 m). [[Janub|Janubiy]]iy yon bagʻri nisbatan tikroq. [[Gʻarb]]iy qismi bir qancha tepaliklarga (Shayxjali, Quyonchiq, Zangibobo, Jumurtogʻ) boʻlingan. Yiliga 80–100 mm [[yogʻinlar|yogʻin]] tushadi. Yillik temperatura 12°—13°, [[yanvar]]ning oʻrtacha temperaturasi —5°, —8°, [[iyul]]niki 26°—28°. Doimiy oqar suvlar yoʻq. [[Uzunlik|Uz.]] 5–12 km li [[quruq sonlar|quruq soylar]] (Jamansoy, Qizilsoy, Kazansoy, Sultonbobosoy, Kaxralsoy, Aximbeddinsoy)da faqat yogʻingarchilik vaqtida suv oqadi. [[Tektonika|Tektonik]] jihatdan [[antiklinal]] struktura. Kuchli [[burmalanish|burmalangan]] [[paleozoy]] davri [[metamorfik togʻ JINSLARI|metamorfik]], [[choʻkindi togʻ jinslari|choʻkindi]], [[vulqon togʻ jinslari|vulkanik togʻ jinslari]] ([[slanetslar|slanets]], [[kvarsit]], [[ohaktoshlar|ohaktosh]] va boshqalar)dan tashkil toptan. [[Choʻl]] [[tuproq|tuprok]]larida [[shuvoq]], rang kabi [[efemerlar|efemer oʻsimliklar]], [[buloqlar]] atrofida turli xil [[buta]]lar usadi.
