Michio Mado

Mitio Mado (yaponcha: まど・みちお ismi Mitio Isida; 1909-yil 16-noyabr— 2014-yil 28-fevral) yapon shoiri, bolalar uchun koʻplab sheʼrlar muallifi.

Michio Mado
Asl ismi	まど・みちお
Tavalludi	Митио Исида 1909-yil 16-noyabr Suo, Syunan, Yamaguti
Vafoti	2014-yil 28-fevral Tokio, Yaponiya
Ijod qilgan tillari	yaponcha
Fuqaroligi	Yaponiya
Faoliyat yillari	1928– 2014-yillar
Janr	Bolalar adabiyoti

Biografiyasi

Mitio Xonsyu orolidagi Yamaguti prefekturasida tugʻilgan. Besh yoshga toʻlganda, uning ota-onasi Tayvanga (1945-yilda Yaponiya tomonidan bosib olingan) ishlash uchun ketishdi. Shoir 5 yil bobosi bilan birga yashadi. Keyinchalik Tayvanga, ota-onasining yoniga koʻchib oʻtdi va u yerda Taypey Milliy Texnologiya Universitetini tugatdi. Oʻzining birinchi she’rlarini „Ayumi“ gazetasida nashr etdi. Universitetni tugatgandan soʻng, Tayvan general-gubernatori apparatida Suv yoʻllari va portlar departamentida muhandis boʻlib ishlagan.

Shoir 1943-yilda Yaponiya harbiy-dengiz flotiga xizmatga chaqirildi va bir qator harbiy kampaniyalarda faoliyat yuritdi. Yaponiya taslim boʻlgandan soʻng Singapurga ketgan. 1948-yilda Yaponiyaga qaytgach, Mado „Detskaya kniga“ jurnali nashr etiladigan nashriyotda ishladi. 1959-yilda nafaqaga chiqqanidan soʻng, oʻzini butunlay sheʼriyat va rassomlikka bagʻishladi. Uning ijodiy merosi 1200 dan ortiq she'rlarni oʻz ichiga oladi.

Madoning ijodi 1990-yillarning boshlariga qadar Yaponiyadan boshqa joyda chop etilmagan, ammo 1992-yilda Empress Mitiko tashabbusi bilan Madoning „Dōbutsutachi“ („Hayvonlar“) kitobi ingliz tiliga tarjima qilindi. Yaponiya va AQShda ikki tilli (yapon-ingliz) versiyada nashr etildi va butun dunyoga tarqaldi. 1994-yilda Andersen nomidagi mukofotga sazovor boʻldi.

Mito Madoning ikkita she’rini 1934-yilda Hakusyu Kitaxara „Kodomo no kuni“ bolalar jurnalida chop etish uchun tanladi va 1936-yilda bastakor Yasuxara Yamaguti Madoning „Futa atsu“ she’riga kuy bastalagan. Shunday qilib, uning ikkinchi jahon urushi bilan toʻxtatilgan bolalar yozuvchisi sifatidagi karyerasi boshlandi.