Munhen

Myunxen — Germaniyadagi shahar, Alp togʻlari etagida, Izar daryosi boʻyida. Bavariya yerining maʼmuriy markazi. Aholisi 1,2 mln. kishi (1999). Transport yoʻllarining yirik tuguni. Aeroporti xalqaro ahamiyatga ega. Mamlakatning muhim sanoat, savdomoliya, ilmiy va madaniy markazlaridan. Elektrotexnika, radioelektronika, optika-mexanika, umumiy va transport mashinasozligi (jumladan, avtomobilsozlik, lokomotivsozlik va samo-lyotsozlik), harbiy, kimyo, trikotaj, poligrafiya, oziq-ovqat sanoati korxonalari mavjud. Metropoliten kurilgan. Maksimilian nomidagi universitet, FA, Nafis sanʼat akademiyasi, Bavariya milliy muzeyi, etnografiya muzeyi, kartinalar galereyasi, gliptoteka (haykaltaroshlik sanʼati muzeyi) va boshqa bor. M. oʻrnida 8-asrda qishloq boʻlgan. 1158 yildan shahar huquqini olgan. 13-asrdan 1871 yilgacha Bavariya poytaxti. Olmoniya imperiyasi tuzilgach (1871), shahar Bavariya bilan birgalikda uning tarkibiga kirgan. Meʼmoriy yodgorliklardan 13—19-asrlarda qurilgan binolar saqlangan. M. da muntazam ravishda xalqaro yarmarkalar oʻtkazilib turiladi. 1972 yilda M.da 20-Olimpiya oʻyinlari boʻlib oʻtgan.

Shahar München Bayroq Gerb Mamlakat OlmoniyaOlmoniya Yer BavariyaBavariya Koordinatalari 48°8′0″N 11°34′0″E Oberburgomistr Dieter Reiter Asos solingan 1158 Maydoni 310,43 km² Markazi balandligi 519 m Aholisi 1 410 259 nafar (2011) Zichlik 4397 kishi/km² Vaqt mintaqasi UTC+1, yozda UTC+2 Telefon kodi 089 Pochta indeksi 80331-81929 Avtomobil kodi M Rasmiy kodi 09 1 62 000 Rasmiy sayti http://www.muenchen.de/ (olm.)

München Olmoniyaning Bavariya yerida joylashgan shahardir. Maydoni – 310,43 km². Aholisi – 1 410 259 kishi (2011).