Nigora Karimboyeva
Nigora Abdurahmonovna Karimboyeva (1979-yil 11-fevral, Toshkent, Oʻzbekiston SSR, SSSR) – oʻzbekistonlik aktrisa va teleboshlovchi, radioboshlovchi. „Sardor“, „Chashma“, „Togʻa“ filmlaridagi rollari hamda boshqa filmlardagi salbiy rollari bilan tanilgan[1].
| Nigora Karimboyeva | |
|---|---|
| Tavalludi |
11-fevral 1979-yil |
| Fuqaroligi |
 Oʻzbekiston |
| Kasbi | aktrisa, teleboshlovchi |
| Janr | drama, komediya, triller |
| Turmush oʻrtogʻi | Shokir |
| Bolalari | Jaʼfar Shokir |
| Qarindoshlari | Singillari: Hilola, Dildora |
| Mukofotlari |
 |
Hayoti
tahrirNigora Karimboyeva 1979-yil 11-fevralda Toshkentda pedagoglar oilasida tugʻilgan[2]. Otasi qurilish kollejida oʻqituvchi boʻlib ishlagan. Onasi arxitektor. Ularning Nigora, Hilola, Dildora ismli 3 qizi boʻlgan boʻlib, aktrisa toʻngʻich farzandidir[1]. 16 yoshida otasining qarshiligiga qaramasdan Mannon Uygʻur nomidagi Toshkent teatr va rassomlik sanʼati institutining kino aktyorligi fakultetiga oʻqishga kirgan[3][4]. Oʻqishni 1999-yilda tamomlagan[5].
Faoliyati
tahrir2-kursligida Ilhom teatrida qoʻyilgan „Beliy, beliy, cherniy aist“ („Oppoq, oppoq, qora laylak“) spektaklidagi Mohichehra rolini oʻynagan[5][1]. Kinodagi birinchi rolini 1999-yildan Yolqin Toʻychiyevning „Fevral“ filmida ijro qilgan[4]. Aktrisa koʻproq kursdoshi rejissyor, ssenariychi Yolqin Toʻychiyev[5] hamda Zulfiqor Musoqov, Yusuf Roziqovning filmlarida suratga tushgan. 2004—2014-yillarda Sport telekanalida diktor boʻlib ishlagan. Shundan keyin 6 yil davomida Oʻzbekiston telekanalidagi „Oydin hayot“ tok-shousida boshlovchilik qilgan.
Ijodiy faoliyati davomida kinoda 15 dan ortiq bosh rollarni oʻynagan[6]. Oʻnga yaqin spektakllarda rol ijro etgan, xususan, Ilhom teatrida sahnalashtirilgan Carlo Gozzining „Baxtli gadolar“ (ruscha: Счастливые нищие) pyesasida Smeraldina, Federico García Lorcaning „Qonli toʻy“ (ruscha: Кровавая свадьба) Leonardoning xotini, Oʻzbek milliy akademik drama teatrida sahnalashtirilgan William Shakespearening „Yoz tunidagi tush“ (ruscha: Сон в летнюю ночь) pyesasida Germiya, „Qirol Lir“ pyesasida Kordeliya rolini oʻynagan[5].
Shuningdek, Oʻzbekiston davlat sanʼat va madaniyat institutida „Sahna nutqi“ kafedrasi katta oʻqituvchisi[7][8] hamda Ilhom teatri aktrisasi[9] boʻlib ishlaydi.
Oilasi
tahrirTurmush oʻrtogʻining ismi Shokir[10], ularning Jaʼfar ismli bir oʻgʻli bor[1]. Singillari Hilola Kanadada va Dildora Janubiy Koreyada istiqomat qilishadi.
Mukofotlari
tahrirFilmografiyasi
tahrir| Yil | Film nomi | Rol |
|---|---|---|
| 2000 | Ayollar saltanati | Notanish goʻzal |
| 2005 | Alvido sevgi | Muqaddas |
| Xotira rashki | Sanatoriya shifokori | |
| Sarvinoz 2. Baxt uchun million | Zaynab | |
| 2006 | Vatan | epizod rol |
| Chashma | Orzi | |
| Osmon yaqin | Nigora | |
| 2007 | Oppoq, oppoq, qora laylak (film-spektakl) | Mohichehra |
| 2010 | Mehribonim | Kumush |
| Dada | Hanifa Qurbonova | |
| 2011 | Qoʻrgʻoshin | Gulbahor |
| Oʻxshatmasdan uchratmas | Lobar | |
| 2012 | Qovun | Lolaxon |
| Tubanlik | oʻqituvchi Shoira | |
| 2013 | Soy qoʻshigʻi | Maktab direktori |
| Bekatdagi odam | epizod rol | |
| 2014 | Togʻa | Lola |
| Roʻyo (Akaxon) | Vohidning xotini | |
| 2015 | Katta odam | Nilufarning onasi |
| 2016 | Maʼsuma | Malika |
| 2018 | Maqsad | Ona |
| Berlin—Oqqoʻrgʻon | Nodira | |
| Sabot | Maktab oʻqituvchisi | |
| Sarvqomat dilbarim | Tergovchi Alimova | |
| 2020 | Ilhaq | Zarifa |
| 2022 | Dada degin | bolaning onasi |
| Kasallik tarixi | Vazir[12] | |
| 2023 | Osmondagi bolalar 3 | epizod rol |
| Yil | Fil nomi | Rol |
|---|---|---|
| 2000 | Sardor | Zamira |
| 2005 | Ayol zoti | Zuhra |
| Sardor 2 | Zamira | |
| 2011 | Fidoyilar | Gulbahor |
| 2014 | Kuch birlikda | Madinaning onasi |
| 2019 | Ojiza | Bosh rol |
| Zaharli tomchilar | Bosh rol | |
| 2021 | Maktab | Ogʻay ona |
| 2022 | Ofitser 55 | Lidiya Abbosova |
| 2023 | Hokim buva | Risolat |
| Ikkinchi ota | Bosh rol |
Manbalar
tahrir- ↑ 1,0 1,1 1,2 1,3 „“Sardor” seriali tufayli bir kunda mashhurlikka erishgan aktrisa Nigora Karimboyeva shaxsiy hayoti va mish-mishlar haqida“ (2023-yil 14-fevral).
- ↑ „Nigora Karimboyeva haqida, oilasi, instagram, rasmlari“.
- ↑ „Нигора Каримбоева: “Хунуксан, сендан актриса чиқмайди, дейишганди”“ (2016-yil 30-aprel).
- ↑ 4,0 4,1 „Нигора Каримбаева: «У актеров не бывает легких денег»“ (2012-yil 28-fevral).
- ↑ 5,0 5,1 5,2 5,3 „Нигора Каримбаева“ (2023-yil 2-oktyabr).
- ↑ „Нигора Каримбаева“.
- ↑ 7,0 7,1 „Шавкат Мирзиёев фан, маданият, санъат ва спорт соҳаси фидойиларини мукофотлади“ (2018-yil 28-avgust).
- ↑ „Оʻzbekiston davlat san’at va madaniyat instituti “Sahna nutqi” kafedrasi“.
- ↑ „“Sardor” seriali qahramonlari 21 yildan so‘ng qanchalar o‘zgargan va ular qanday ishlar bilan band (foto va video)“ (2021-yil 19-sentyabr).
- ↑ „Актриса Нигора Каримбаева рассказала о возможной свадьбе с арабом“ (2021-yil 20-aprel).
- ↑ 11,0 11,1 „Нигора Каримбаева“.
- ↑ „Zulfiqor Musoqovning shifokorlar haqidagi filmi taqdimoti o‘tkazildi“ (2022-yil 3-dekabr).
- ↑ „Нигора Каримбаева“.