Nikolay Korjenevskiy

Nikolay Leopoldovich Korjenevskiy (1879.6.2, Vitebsk guberniyasi — 1958.31.10, Toshkent) — tabiiy geograf va glyasiolog. Oʻzbekiston Fanlar akademiyasi muxbir aʼzosi (1947). Oʻzbekistonda xizmat koʻrsatgan fan arbobi (1939). Geografiya fanlari doktori (1937). Oʻrta Osiyo universitetining tabiiy geografiya kafedrasi professor, mudiri (1927-yildan). Oʻrta Osiyo Gidrometeorologiya institutida konsultant va glyasiologiya boʻlimining boshligʻi (1926—58). Ilmiy faoliyati Oʻrta Osiyo tabiiy geografiyasi va muzliklariga bagʻishlangan. K. Oʻrta Osiyo muzliklarining dastlabki katalogini tuzgan (1930), 70 ga yaqin muzlik va choʻqqilarni oʻrganib ilmiy adabiyotga kiritgan. Ustyurt platosi, Moʻyinqum, Qirgʻiziston tizmasi, Qorakoʻl, Yashilkoʻl, Sarez, Iskandarkoʻl va Balxash koʻllarini tadqiq qildi. Pomir va Tyaniianda 3 muzlik va Orqa Olay tizmasidagi choʻqqi K. nomi bilan atalgan.

Nikolay Korjenevskiy
Tavalludi	6-fevral 1879
Vafoti	31-oktyabr 1958
Fuqaroligi	Rossiya Imperiyasi va SSSR

Adabiyot

• Nikolay Leopoldovich Korjenevskiy (1879-1958), T., 1962.
• Katalog lednikov Sredney Azii, T., 1930;
• Srednyaya Aziya. Kratkiy fizikogeograficheskiy ocherk, 2 izd., T., 1941;
• Priroda Sredney Azii, T., 1960.