Nurali Qobul

Nurali Qobul (Nurali Qobulovich Xolboʻtayev; 1950-yil 2-yanvar, Jizzax, Oʻzbekiston SSR) — oʻzbekistonlik tarixchi, yozuvchi, shoir hamda tarjimon.

Nurali Qobul
Tavalludi	2-yanvar 1950-yil (1950-01-02) Jizzax viloyati, Baxmal tumani, Usmat qishlogʻi
Fuqaroligi	SSSR → Oʻzbekiston
Millati	Oʻzbek
Kasbi	Tarixchi, yozuvchi, shoir, tarjimon.
Sohasi	Dramaturgiya, sheʼriyat
Ish joylari	„Gʻalaba bayrogʻi“ (1971—1973), „Jizzax haqiqati“ (1973—1976) gazetalari, „Sovet Oʻzbekistoni sanʼati“ jurnali, „Yulduzcha“ nashriyoti
Taʼlimi	Mirzo Ulugʻbek nomli Fargʻona davlat pedagogika instituti
Mashhur ishlari	„Sukut Suiqasdi“, „Suiqasddan soʻnggi sukut“
Mukofotlari	Maksim Gorkiy mukofoti, Boris Polevoy mukofoti
Dini	Islom

Tarjimai holi

Nurali Qobul 1950-yilning 2-yanvarida Jizzax viloyati, Baxmal tumanidagi Usmat qishlogʻida tugʻilgan. Oliy taʼlimdagi hayoti Mirzo Ulugʻbek nomli Fargʻona davlat pedagogika instituti tarix fakulteti bilan bogʻliqdir. Jizzax shahridagi Bobur nomli 22-oʻrta maktabda tarix fanidan dars beruvchi oʻqituvchi, (1969—1970), „Gʻalaba bayrogʻi“ gazetasida tahririyat boʻlim boshligʻi (1971—1973), „Jizzax haqiqati“ gazetasida muxbir (1973—1976), „Sovet Oʻzbekistoni sanʼati“ jurnalida bosh muharrir oʻrinbosari, bosh muharrir (1977—1986), „Yulduzcha“ nashriyotida bosh muharrir, direktor (1987—1996) vazifalarida xizmat qilgan.

Ijodi

Nurali Qobulning „Oyqor“ nomli birinchi qissa va hikoyalar toʻplami 1978-yilda nashr etildi. Shundan soʻng, uning „Salom, togʻlar“ (1979), „Tubsiz osmon“ (1981), „Yashash uchun kechikma“, „Kaptarlar qaytmagan kun“ (1983), „Unutilgan sohillar“ (1988), „Bugʻdoy pishigʻiga yetmaganlar“ (1992), „Yetti iqlim xoqoni yoxud ahd va taxt“ (2013) kabi roman, qissa va hikoyalar kitoblari, „Odam, Oyqor togʻ va daydi shamol“ (1980) nomli sheʼriy ertagi, „Vatandan yaxshi yor boʻlmas“ nomli publitsistik maqolalar toʻplami dunyoga keldi. Yozuvchi hamda shoirlik istʼedodlaridan foydalangan ijodkor 7 kitobdan iborat tarixiy-siyosiy mavzuga doir roman-pamflyot ham yaratgan. Roman-pamflyot tarkibiga quyidagi kitoblar kiradi:

• „Sukut suiqasdi, yohud Stalindan Saddamgacha“ (?)
• „Sukutdan soʻnggi suiqasd, yohud Chingizxondan Cherchilgacha“ (?)
• "Tavqi laʼnat tamgʻasi (2019)
• „Dordan qochgan daho“ (?)
• „Stalinning super jallodi“ (?)
• „Stalinning super josusi“ (?)
• „Davlat toʻntarishi“ (?)

Kitoblari

• „Oyqor“ (1978)
• „Salom togʻlar“ (1979)
• „Odam, Oyqortogʻ va Daydi shamol haqida ertak“ (1980)
• „Tubsiz osmon“ (1981)
• „Kaptarlar qaytmagan tun“ (1984)
• „Yashash uchun kechikma“ (1985)
• „Unutilgan sohillar“ (1988)
• „Oq kaptarlar“ (1990)
• „Bugʻdoy pishigʻiga yetmaganlar“ (1992)
• „Sen vatansan, muhabbat“ (1994)
• „Vatandan yaxshi yor oʻlmas“ (1995)
• „Yangi qor tushgan kun (?)“
• „Sening bolalik osmoning“ (?)

Tarjimalari

Ijodkor tarjimon sifatida Gabriel García Márquezning „Yolgʻizlikning yuz yili“ romanini, Chingiz Aytmatovning „Bolaligim“ asarini oʻzbek tiliga mohirona tarzda oʻgirgan.