Oʻzbekiston Respublikasi Iqtisodiyot va moliya vazirligi
Bu maqola ayni damda faol tahrirlanyapti. Iltimos, mazkur ogohlantirish xabari sahifadan olib tashlanmagunga qadar sahifaga oʻzgartirishlar kiritmay turing. Aks holda, tahrirlar toʻqnashuvi yuz berishi mumkin. Bu sahifa oxirgi marta 12:23, 11-Iyun 2024 (UTC) (12 soniya avval) da tahrir qilingan. |
Oʻzbekiston Respublikasi Iqtisodiyot va moliya vazirligi - O‘zbekiston Respublikasi Prezidentining 2022-yil 24-dekabrdagi PF-269-sonli Farmoni bilan O‘zbekiston Respublikasi Iqtisodiyot va moliya vazirligi tashkil etilgan bo‘lib, vazirlik mamlakatimizning ham o‘rta, ham uzoq muddatli istiqbolga mo‘ljallangan ijtimoiy-iqtisodiy ustuvor yo‘nalishlarini ishlab chiqish uchun mas’ul organ hisoblanadi.
| Iqtisodiyot va moliya vazirligi | |
 | |
| Vazirlik haqida umumiy maʼlumot | |
|---|---|
| Tashkil etilgan | 11-fevral, 1992-yil |
| Yurisdiksiya | O'zbekiston Hukumati |
| Shtab kvartira(lar) | Istiqlol ko‘chasi,29, Toshkent |
| Minister responsible | |
| Website | imv.uz |
Bu budjet, soliq, bojxona va tarif siyosatida tarmoqlararo muvofiqlashtirish va muvozanatni hisobga olishni o‘z ichiga oladi. Bundan tashqari, vazirlik moliya bozori, sugʻurta, fuqarolarning pensiya taʼminoti, buxgalteriya hisobi, moliyaviy hisobotlar, budjet tashkilotlari va monopolist korxonalarni moliyalashtirish, xizmatlar narxini belgilash ustidan nazoratni amalga oshiradi. Vazirlikka respublika ijro etuvchi hokimiyat organi sifatida O‘zbekiston Respublikasining strategik makroiqtisodiy ko‘rsatkichlariga erishish va davlat budjeti parametrlarini boshqarish yuklatilgan.
Vazirlik o‘z faoliyatini O‘zbekiston Respublikasining Konstitutsiyasi va qonunlariga, Oliy Majlis palatalarining qarorlariga, Prezident va Vazirlar Mahkamasining farmonlari, qarorlari va farmoyishlariga, boshqa qonun hujjatlariga muvofiq amalga oshiradi. Oʻzbekiston Respublikasi Davlat gerbi tasviri tushirilgan va oʻz nomi davlat tilida yozilgan rasmiy muhr va blankalarga ega boʻlgan yuridik shaxs sifatida faoliyat yuritadi. Iqtisodiyot va moliya vazirligi vazirlik huzuridagi G‘aznachilik xizmati qo‘mitasida shaxsiy g‘azna hisobvaraqlarini yuritadi va banklarda, shu jumladan xorijiy valyutadagi hisobvaraqlarga ega.
Vazirlikning rasmiy nomi:
a) davlat tilida:
to‘liq nomi – O‘zbekiston Respublikasi Iqtisodiyot va moliya vazirligi,
qisqartmasi – Iqtisodiyot va moliya vazirligi;
b) rus tilida:
to‘liq nomi – Министерство экономики и финансов Республики Узбекистан,
qisqartmasi – Минэкономфин;
d) ingliz tilida:
to‘liq nomi – Ministry of Economy and Finance of the Republic of Uzbekistan,
qisqartmasi – MEF.
Vazirlik manzili: Toshkent shahri, Istiqlol ko‘chasi 29-uy, 100017.
Vazirlik tarkibiga kiruvchi tashkilotlar
tahrirVazirlar
tahrir| Nom | Oʻz ishini boshladi | Faoliyati tugadi | Izohlar |
|---|---|---|---|
| Erkin Boqiboyev | 1991 | 1994 | [1] |
| Baxtiyor Hamidov | 1994 | 1998 | [2] |
| Rustam Azimov | 1998 | 2000 | |
| Mamarizo Nurmurodov | 2000 | 2004 | [3] |
| Saidahmad Rahimov | 2004 | 2005 | [4] |
| Rustam Azimov | 2005 | 2016 | |
| Botir Xoʻjayev | 2016 | 2017 | [5] |
| Jamshid Qoʻchqorov | 2017 | 2020 | [6][7] |
| Timur Ishmetov | 2020 | 2022 | [8] |
| Sherzod Qudbiyev | 2023 | 2023 | [9] |
| Jamshid Qoʻchqorov | 2023 | Amalda | [10] |
Manbalar
tahrir- ↑ „БАКИБОЕВ Эркин Жураевич | ЦентрАзия“. centrasia.org.
- ↑ „ХАМИДОВ Бахтияр Султанович | ЦентрАзия“. centrasia.org.
- ↑ „НУРМУРАТОВ Мамаризо Бердимуратович | ЦентрАзия“. centrasia.org.
- ↑ „РАХИМОВ Саидахмад Бориевич | ЦентрАзия“. centrasia.org.
- ↑ „ХОДЖАЕВ Батир Асадиллаевич | ЦентрАзия“. centrasia.org.
- ↑ „Djamshid Kuchkarov - Ministry of Finance of the Republic of Uzbekistan“. www.mf.uz. 2020-yil 18-martda asl nusxadan arxivlangan. Qaraldi: 2024-yil 7-aprel.
- ↑ „КУЧКАРОВ Жамшид Анварович | ЦентрАзия“. centrasia.org.
- ↑ „Ishmetov Timur - Ministry of Finance of the Republic of Uzbekistan“. www.mf.uz. 2020-yil 18-martda asl nusxadan arxivlangan. Qaraldi: 2024-yil 7-aprel.
- ↑ „Qudbiyev iqtisodiyot va moliya vaziri lavozimini egalladi“. www.imv.uz. 2022-30-12da asl nusxadan arxivlangan. Qaraldi: 2024-yil 11-iyun.
- ↑ „Jamshid Qo‘chqorov iqtisodiyot va moliya vaziri lavozimiga tayinlandi“. www.imv.uz. 2023-yil 3-avgustda asl nusxadan arxivlangan. Qaraldi: 2024-yil 11-iyun.