Oleg Fuks
Oleg Valeryanovich Fuks (1948-yil 16-oktyabr — 2021-yil 17-mart)[1] — SSSR va oʻzbekistonlik regbichi, Oʻzbekistonda xizmat koʻrsatgan murabbiy[2]. Oʻzbekistonda va Rossiyada regbi sportini rivojlantirishda[1][3] hamda Oʻzbekiston SSRning eng kuchli va taniqli regbi oʻyinchilarini tarbiyalashda munosib hissasini qoʻshgan mohir murabbiy.
| Oleg Valeryanovich Fuks | |
|---|---|
| Shaxsiy maʼlumotlari | |
| Fuqaroligi | Rossiya |
| Tavallud sanasi |
1948-yil 16-oktabr Oʻzbekiston SSR |
| Vafot sanasi |
2021-yil 17-mart Rossiya |
| Faoliyat yillari | 1993-2021 |
| Sport | |
| Qaysi sport | Regbi |
| Medallar | |
 “Jismoniy tarbiya va sport a’lochisi” ko‘krak nishoni | |
Hayoti
tahrirU oʻyinchi sifatida Oʻzbekiston SSRning koʻp karra chempioni va SSSR chempionatlari ishtirokchisi. Toshkent politexnika instituti jamoasida oʻynagan. Oʻyinchilik faoliyatini yakunlagandan soʻng, Toshkentning „Zvezda“ va Kaliningradning „Vest-Zvezda“ klublarida murabbiy boʻlib faoliyatini davom ettirgan[4]. Keyinchalik u Shchelkovskiy tumanidagi bolalar va oʻsmirlar sport maktabida oʻqituvchi-murabbiy boʻlib faoliyat yuritdi[2], shuningdek Moninning Harbiy Havo kuchlari akademiyasi (HHKA) „HHKA-Podmoskovye“ klubida murabbiylik qilib klub oʻyinchilarini nufuzli chempionatlarga tayyorlagan[5]. Uning eng taniqli shogirdlari — Denis Kukishyev („Strela“)[6], Aleksandr Gudok („Lokomotiv-Penza“) va Artyom Marchenko („HHKA-Podmoskovye“)[7].
Klubdagi faoliyati
tahrirToshkent politexnika institutida oʻz faoliyatini boshlagan. Universitet jamoasini nufuzli musobaqalarda munosib himoya qilib, koʻplab musobaqa va chempionatlarda sovrindorlar qatorida oʻrin egallashida munosib hissasini qoʻshgan. Jamoadoshlari va murabbiylari orasida tirishqoqligi va mehnatsevarligi bilan barchaning koʻnglidan joy olgan qadrli sportchi boʻlishi bilan bir qatorda, yaxshi doʻst va malakali sportchi sifatida muhlislari koʻnglidan ham oʻrin egallagan. Eʼtiborli jixati shundaki, u faoliyati davomida barcha musobaqalarda eng yaxshi oʻyinchi sifatida eʼtirof etilgan.
Murabbiylik faoliyati
tahrir- Zvezda (Toshkent) (1993-yil — 1995-yil)
- Vest-Zvezda Kaliningrad (1995-yil — ?)
- umrining oxiriga qadar Shchelkovskiy munitsipal tumanining BOʻSMda regbi boʻyicha oliy toifali murabbiy-oʻqituvchilik qilgan.
Mukofotlari
tahrir- Oʻzbekistonda xizmat koʻrsatgan murabbiy[5]
- Jismoniy tarbiya va sport aʼlochisi koʻkrak nishoni sohibi[5]
Manbalar
tahrir- ↑ 1,0 1,1 Ushel iz jizni legendarniy Trener i Uchitel[sayt ishlamaydi]
- ↑ 2,0 2,1 Ushel iz jizni Oleg Fuks
- ↑ „Регби в Узбекской ССР (часть вторая)“. Sports.ru. Qaraldi: 19-aprel 2021-yil.
- ↑ Regbi v Uzbekskoy SSR. Chast tretya — illyustratsionnaya
- ↑ 5,0 5,1 5,2 Pechalnaya vest[sayt ishlamaydi]
- ↑ Kukishev Denis[sayt ishlamaydi]
- ↑ MARChYeNKO ARTYoM