Olga Yujnaya
Olga Valeryevna Yujnaya (1979-yil 26-aprel, Krasnogorsk, Toshkent viloyati) – rossiyalik basketbolchi, himoyachi pozitsiyasida oʻynagan. Rossiya terma jamoasi tarkibida 2003-yilda Yevropa chempioni, 2005-yilda Yevropa chempionati kumush medali sohibi.
| Olga Valeryevna Yujnaya | |
|---|---|
 | |
| Shaxsiy maʼlumotlari | |
| Jinsi | ayol |
| Fuqaroligi |
 Rossiya |
| Tavallud sanasi |
1979-yil 26-aprel Krasnogorsk, Toshkent viloyati |
| Boʻyi | 172 sm |
| Vazni | 60 kg |
| Sport | |
| Qaysi sport | basketbol |
| Pozitsiyasi | himoyachi |
Biografiyasi tahrir
Olga 7 yoshidan ota-onasining koʻmagi va tavsiyasi bilan basketbol bilan shugʻullanishni boshlagan[1]. U VBM-SSAU jamoasi tarkibida 2002—2003-yilgi mavsumda mamlakat vitse-chempioniga aylangan. Oʻshanda Olganing jamoasi faqatgina UMMC jamoasiga yutqazgan edi. Oradan bir yil oʻtgach, u Rossiya chempionati, Rossiya kubogi va Jahon ligasida gʻolib chiqqan. 2005-yilning yozida UMMC jamoasiga koʻchib oʻtgan. Olga u yerda bir mavsum oʻynagan va oʻzining sobiq klubi VBM-SSAUga yutqazib, vitse-chempion boʻlgan bo'lsada, jamoasi bilan Yevroligada gʻolib boʻlgan. 2006-yilda u Moskvaning Dinamo klubiga oʻtgan, ammo bironta ham sovrin yuta olmagan. 2008-yilda esa Spartakda oʻynash uchun Sankt-Peterburgga joʻnab ketgan.
Olga Rossiya terma jamoasi aʼzosi sifatida 2003-yilgi Yevropa chempionatida gʻalaba qozongan, uchta oʻyinda 6 daqiqa maydonda harakat qilgan va Belgiyaga qarshi oʻyinda bir marta toʻpni savatchaga tushirgan[2]. 2005-yilgi Yevropa chempionatida esa 8 oʻyinda 29 ochko toʻplagan holda kumush medalni qoʻlga kiritgan Olga 10 ta ribaund, 3 ta toʻp oʻtkazib yuborish va 6 ta golli uzatmani qayd etgan[3].
Yutuqlari tahrir
Klublarda tahrir
- Rossiya chempioni (2004, 2005)
- Rossiya vitse-chempioni (2003)
- Rossiya kubogi gʻolibi (2004)
- Jahon chempionati gʻolibi (2003)
- Yevroliga chempioni (2005)
- Jahon ligasi chempioni (2004)
- Ukraina chempioni (2001, 2002)
- Sloveniya chempioni (2000)
Terma jamoada tahrir
- Yevropa chempioni (2003)
- Yevropa vitse-chempioni (2005)
Shaxsiy hayoti tahrir
Olganing akasi professional futbolchi, otasi va onasi esa murabbiy boʻlgan. 2005-yil 3-iyun sanasida Olga VBM-SSAU klubi prezidenti Andrey Ishchukning sobiq qoʻriqchisi Aleksey Firsovga turmushga chiqqan[4]. Olganing eng sevimli filmi „Moskva koʻz yoshlarga ishonmaydi“ hisoblanadi. U oʻzbek, ukrain va rus taomlarini sevib isteʼmol qiladi. Ingliz, rus, sloven, fransuz va oʻzbek tillarida soʻzlasha oladi. „Bratya Grim“ va „Gosti iz budushego“ guruhlarini sevib tinglaydi[5].
Manbalar tahrir
- ↑ Olga Firsova: Manikyur pozvolyu sebe tolko letom[sayt ishlamaydi]
- ↑ Statistika na sayte FIBA Yevropa: Yevrobasket-2003 (ingl.)
- ↑ Statistika na sayte FIBA: Yevrobasket-2005 (ingl.)
- ↑ Olga Naymushina smenila familiyu i klub
- ↑ „«Лисица» Ольга Фирсова: — Охранять Козицына я своему мужу не дам!“ (deadlink). 2014-yil 1-martda asl nusxadan arxivlangan. Qaraldi: 2012-yil 5-avgust.