Olmaliq shahar kasb-hunar maktabi
Olmaliq shahar kasb-hunar maktabi – Olmaliq shahrida joylashgan, elektrotexnika, konchlik ishi va energetika sohasida kadrlar tayyorlaydigan taʼlim muassasasi. 825 oʻringa moʻljallangan.
| Olmaliq shahar kasb-hunar maktabi | |
|---|---|
 | |
| Joylashgan yeri | |
| Olmaliq shahri Toshkent,  Oʻzbekiston
| |
| Maʼlumot | |
| Maktab turi | kasb-hunar |
| Asos solingan sanasi | 1973 |
| Direktor | Dusimbetov Baxodir Ibragimovich |
Tarixi tahrir
1973-yilda 126-sonli oʻrta-texnika bilim yurti sifatida Olmaliq kon-metallurgiya kombinati AJ ga malakali ishchi kadrlar tayyorlab berish uchun tashkil etilgan. Toshkent viloyati oʻrta-texnika bilim yurti boshqarmasining 1984-yil 23-avgust sanasidagi 241-sonli buyrugʻiga asosan 17-sonli oʻrta-texnika bilim yurtiga, 1993-yil 15-iyun sanasidagi 91-sonli buyrugʻiga asosan texnika litseyiga, 1997-yil 14-mart sanasidagi 57-sonli buyrugʻiga asosan 10-sonli kasb-hunar maktabiga, Oʻzbekiston Respublikasi oliy va oʻrta maxsus taʼlimi vazirligi, oʻrta maxsus kasb-hunar taʼlimi markazining 2004-yil 27-yanvar sanasidagi 16-sonli buyrugʻiga asosan Olmaliq konchilik kasb-hunar kollejiga, hozirgi kunda Oʻzbekiston Prezidentining 2019-yil 6-sentyabrdagi „Professional taʼlim tizimini yanada takomillashtirishga doir qoʻshimcha chora-tadbirlar toʻgʻrisida“gi PF-5812 Farmoni[1] bilan Olmaliq Konchilik kasb-hunar kolleji negizida Olmaliq shahar kasb-hunar maktabi tashkil etilgan.
Umumiy tavsif tahrir
Olmaliq shahar kasb-hunar maktabi energetika, elektrotexnika va konchilik ishi yoʻnalishlari boʻyicha Olmaliq shahridagi professional taʼlim muassasasidan biridir[2]. Kasb-hunar maktabida 44 ta oʻquv xonasi, shuningdek, 9 ta oʻquv ustaxonasi, 4 ta innovatsion xona, sport zali, 25262 oʻquv, siyosiy va badiiy adabiyotlarga ega axborot kutubxona markazi, 50 oʻrinli oʻquv zali, 120 oʻrinli faollar zali, 3 ta kompyuter xonasi va 120 oʻrinli oshxona mavjud. Taʼlim muassasasida 1138 nafardan ortiq oʻquvchi tahsil oladi. Kunduzgi taʼlim muddati 2 yildir.
Tayyorlaydigan kasblari tahrir
Manbalar tahrir
- ↑ „O‘ZBEKISTON RESPUBLIKASI PREZIDENTINING FARMONI PROFESSIONAL TA’LIM TIZIMINI YANADA TAKOMILLASHTIRISHGA DOIR QO‘SHIMCHA CHORA-TADBIRLAR TO‘G‘RISIDA“. lex.uz. “Адолат” миллий ҳуқуқий ахборот маркази давлат муассасаси. Qaraldi: 13-mart 2024-yil.
- ↑ „Olmaliq shahar Kasb hunar maktabi“. YouTube. Qaraldi: 13-mart 2024-yil.