Qirqyop
Qirqyop – Oʻzbekistonning Xorazm viloyati Xonqa tumanidagi qishloqlardan biri. Maydoni 0.36 ming kv km.
Qirqyop | |
|---|---|
| qishloq | |
| Mamlakat | Oʻzbekiston |
| Viloyat | Xorazm viloyati |
| Tuman | Xonqa tumani |
| Iqlim turi | keskin kontinental |
| Rasmiy til(lar)i | oʻzbek tili |
| Konfessiyaviy tarkib | musulmonlar |
| Vaqt mintaqasi | UTC+5 |
| Pochta indeks(lar)i | 220810[1] |
| Avtomobil kodi | 90 |
Etimologiyasi tahrir
Qishloqning nomi suv bilan bogʻliq. Yaʼni uning bir tomonidan Xonqa arigʻi va boshqa tomonida Shovot kanali oqib oʻtadi. Shu sababli bu yerda ariq va kanallar koʻp va tarmoqlanib ketgan. Aholi tilida asta-sekin „qirq yop“ – „qirq“ koʻplik maʼnosida va „yop“ ariq yoki suv havzasi maʼnosidagi soʻz qoʻllana boshlagan[2].
Tarixi tahrir
Qishloq nomi XIX—XX asrlarga taaluqli manbalarda, Xiva xonligi arxiv hujjatlarida uchraydi. Xonlik arxiv maʼlumotlarida qishloq maʼmuriy birlik sifatida qayd etilgan. Aholi Sherim Shayx, Avazbobo Soʻfi, Xudoynazarboy Niyozmuhammadboy va Avazmuhammadkoʻsa masjid qavmlariga birlashgan. Oʻsha davr Qirqyop aholisi asosdan dehqonchilik bilan shugʻullangan boʻlib, oʻrtaxol tarzda hayot kechirgan. G. P. Danilyevskiy kuzatuvlarida qishloq aholisi asosan xonlikdagi qazuv ishlari uchun boshqa hududlardan koʻchirib kelingan va unadan avval urushlar vaqtida qul qilib keltirilgan turkman va eroniylarning avlodlari ekanligini taʼkidlagan[3].
Hududiy boʻlinishi tahrir
Qishloq tarkibida Paxtakor, Madaniy yer, Obod, Doʻrmon va Xonqaobod kabi mahallalardan iborat[3].
Aholisi tahrir
2013-yil maʼlumotlariga koʻra Qirqyopda 19 864 kishi istiqomat qilgan boʻlib shundan 19 853 kishi oʻzbek, 4 kishi rus va turkman, qozoq, tatar, tojik, belorus millatiga mansub[3].
Ijtimoiy soha obyektlari tahrir
Qishloqda 6 ta maktab, 3 ta bogʻcha, 80 dan ortiq savdo va xizmat koʻrsatish obyektlari va „Xonqa“ dam olish maskani joylashgan[4].
Adabiyotlar tahrir
- Нуржонов, Комилжон; Жуманиёзова, Мамлакат. Хонқа тарихи. “Хоразм” нашриёти. ISBN 978-9943-4488-1-0.
Manbalar tahrir
- ↑ „Xorazm viloyati aholi punktlari pochta indekslari“. https://www.goldenpages.uz/uz/pochta/khorezm_region_pochta/. Qaraldi: 9-oktyabr 2023-yil.
- ↑ Комилжон Нуржонов, Мамлакат Жуманиёзова & Хонқа тарихи, ss. 21–22.
- ↑ 3,0 3,1 3,2 Комилжон Нуржонов, Мамлакат Жуманиёзова & Хонқа тарихи, s. 22.
- ↑ Комилжон Нуржонов, Мамлакат Жуманиёзова & Хонқа тарихи, ss. 22–23.