Qobiljon Mo‘minov
Qobiljon Moʻminov (1925-yil tavallud topgan — 1986-yil vafot etgan) — Sovet iqtisodiyoti, davlat va siyosiy arbobi, Sotsialistik Mehnat Qahramoni[1].
| Qobiljon Mo‘minov | |
|---|---|
| Tavalludi |
1925-yil |
| Vafoti |
1986-yil Andijon viloyati |
| Fuqaroligi |
 SSSR |
| Unvoni |
 |
| Mukofotlari |
 |
Hayoti va faoliyati tahrir
1925-yilda Oʻzbekiston SSR Fargʻona viloyatining Andijon tumanida tugʻilgan (hozirgi Oʻzbekistonning Andijon viloyati). Millati oʻzbek[1].
Mehnat faoliyatini 1942-yilda Andijon mashinasozlik zavodida dastlab usta shogird, so‘ngra inspektor, modelerlikdan boshlagan. 1954-yilda u KPSS aʼzoligiga qabul qilindi. U ishlagan zavod dizel va nasos uskunalari ishlab chiqarishga ixtisoslashgan. Ko‘p yillik tajriba, mehnatga vijdonan munosabat, yangilikka intilish Q.Mo‘minovga ishlab chiqarilayotgan, nafaqat respublikamizga yetkazib berilayotgan texnikaning yuqori sifatiga katta hissa qo‘shgan yuqori malakali yetuk mutaxassis bo‘lib yetishish imkonini berdi. Zavodda ishlab chiqarilayotgan jihozlar nafaqat SSSR shuningdek, Osiyo va Afrikaning 44 mamlakatiga eksport qilindi[1].
SSSR Oliy Soveti Prezidiumining 1965-yil 1-martdagi Farmoni bilan Oʻzbekiston SSR xalq xoʻjaligini rivojlantirishdagi alohida xizmatlari uchun Moʻminov Qobiljon Sotsialistik Mehnat Qahramoni unvoni, Lenin ordeni va Oʻroq va Bolgʻa oltin medali bilan taqdirlangan. Chiziqli uchastka boshlig‘ining o‘rinbosari, 1969-yildan umrining oxirigacha Andijon mashinasozlik zavodi yig‘ish sexi yog‘ochga ishlov berish seksiyasining katta ustasi (1965-yildan — Vazirlik tizimida) lavozimlarida ishlagan. SSSR qurilish, yoʻl va kommunal muhandislik zavodida(hozirgi Andijonmash davlat mashinasozlik zavodi) ishlagan. Yosh ishchi-xodimlarning ustozi bo‘lib, o‘nlab shogirdlarni yetishtirgan[1].
SSSR Oliy Sovetining V-VI chaqiriqlari (1958- 1966-yillar) deputati etib saylangan, Oʻzbekiston Kompartiyasi Andijon viloyat komiteti va shahar qoʻmitasi aʼzosi, zavod partiya qoʻmitasi aʼzosi, sex partiya tashkiloti kotibi. KPSS XXIII qurultoyi delegati (1966-yil). „Vatan“ jamiyati aʼzosi, „Bilim“ jamiyati viloyat tashkiloti boshqaruvi aʼzosi. Andijonda yashagan va 1986-yil 1-iyunda vafot etgan[2].
Mukofotlari tahrir
- Lenin ordeni (1965-yil);
- Lenin ordeni;
- O'roq va Bolg'a oltin medali