Sharqiy sariq lentaqanotli kapalak

Sharqiy sariq lentaqanot yoki sariq qorinli lentaqanot yoki janubiy sariq lentaqanot (Catocala neonympha) ― Erebidae oilasiga mansub tungi kapalakdir.

Tavsifi

Katta tungi kapalakning uzunligi qanotlari yoyilgan holda 50-68 mmga yetadi. Oldingi qanotlarning asosiy foni qoʻngʻir jigarrang boʻlib, toʻq jigarrang tuklar bilan qoplangan. Yuqori tomonidagi oldingi qanotlari nozik qirrali qora rangli chiziqlar va jigarrang chiziqlardan iborat murakkab naqshga ega. Chekkalari kulrang. Orqa qanotlari toʻq sariq rangga ega boʻlib, qanotining orqasini toʻliq qoplamagan qora median tasmasi bor. Orqa qanotning chekkasi rang-barang boʻlib, unda sargʻish va kulrang qoplamalarni koʻrish mumkin. Qorni kulrang-sariq rangda.

Hududi

Qrim dashtlari, Shimoliy Kavkaz, Janubiy Ural, Shimoliy Qora dengiz, Don viloyati, Volga boʻyi, Oʻrta Osiyo togʻlari , Janubi-Gʻarbiy Sibir tekisligi, Oltoy, Eron, Iroq, Afgʻoniston, Moʻgʻuliston, Xitoy va Shimoliy Hindiston.

Biologiya

Mazkur tur mahalliylashtirilgan boʻlib, oʻsimliklarning bilan oziqlanadi. U yiliga bir avlodda rivojlanadi. Iyun oyining oxiridan avgust oyining oʻrtalarigacha parvoz vaqtidir. Kapalaklar tunggi vaqtlarda faol boʻladi. Koʻpincha sunʼiy yorugʻlik manbalariga jalb qilinadi. Tuxumlari qish boʻyi parvarishlanadi. Kapalak qurti tanasining ikki yonida yorqin rangdagi chiziq tushgan(orqa qismida bunday naqshlar yoʻq). Markaziy Osiyoda kapalak qurti dukkaklilar oilasiga mansub qizilmiya daraxtida rivojlanishi, eman (Quercus) va tol (Salix) barglari bilan oziqlanishi ham qayd etilgan.