Shuhrat Mamajanov (huquqshunos)
Shuhrat Muratovich Mamadjanov (1979-yil 2-fevral, Toshkent, Oʻzbekiston SSR, SSSR) – huquqshunos va siyosatchi, 3-chaqiriq Oʻzbekiston Respublikasi Oliy Majlisi Qonunchilik palatasi deputati. Oʻzbekiston Xalq demokratik partiyasi fraksiyasi aʼzosi, adliya organlari va muassasalarining „2-darajali adliya maslahatchisi“ darajasiga ega.
| Shaxsiy maʼlumotlari | |
|---|---|
| Tavalludi |
2-fevral 1979-yil Toshkent, OʻzSSR, SSSR |
| Siyosiy partiyasi | Oʻzbekiston xalq demokratik partiyasi |
| Taʼlim | Toshkent davlat universiteti |
| Kasbi | huquqshunos, siyosatchi |
| Ilmiy unvoni | magistr |
Tarjimai holi tahrir
Bolaligi va taʼlimi tahrir
Shuhrat Mamajonov 1979-yil 2-fevralda Oʻzbekiston SSR Toshkent shahrida tugʻilgan.
Mamajanov 1995-yilda Toshkent shahridagi 18-maktabni tamomlagan. 2002-yilda Oʻzbekiston Milliy universiteti (sobiq Toshkent davlat universiteti) yuridik fakultetining huquqshunos mutaxassisligi boʻyicha bitirgan. 2004-yilda shu universitetning magistraturasini bitirgan.
Karyerasi tahrir
2005–2012-yillarda Oʻzbekiston Respublikasi Adliya vazirligining jinoyat, maʼmuriy va ijtimoiy Qonunchilik boshqarmasida turli lavozimlarida ishlagan.
Shuhrat Mamajanov 2012-yil noyabrdan 2015-yil yanvargacha Oʻzbekiston Respublikasi Adliya vazirligining jinoyat, maʼmuriy va ijtimoiy Qonunchilik boshqarmasi boshligʻi boʻlgan[1].
Shuhrat Muratovich 2014-yil dekabr oyida Oʻzbekiston Respublikasi Oliy Majlisining III chaqiriq Qonunchilik palatasi deputati etib saylangan. 2015–2019-yillarda Qonunchilik va sud-huquq masalalari qoʻmitasi va korrupsiyaga qarshi kurash va sud-huquq masalalari qoʻmitasi aʼzosi boʻlgan.
2019-yildan Oʻzbekiston Respublikasi Prezidenti huzuridagi davlat xizmatini rivojlantirish agentligida turli xil lavozimlarda faoliyat olib borgan[2].
Mukofotlari tahrir
Shuhrat 2011-yilda Oʻzbekiston Respublikasi davlat mustaqilligining 20 yilligi munosabati bilan Oʻzbekiston Respublikasi Prezidentining farmoniga binoan „Sodiq xizmatlari uchu“ medali bilan mukofotlangan.
2016-yil „Oʻzbekiston Mustaqilligiga 25 yil“ koʻkrak nishoni, 2017-yil „Oʻzbekiston Konstitutsiyasiga 25 yil“ koʻkrak nishoni, 2022-yil „Oʻzbekiston Respublikasi Adliya vazirligiga 30 yil“ koʻkrak nishoni hamda shu yili „Oʻzbekiston Konstitutsiyasiga 30 yil“ koʻkrak nishoni bilan taqdirlangan.
Oilasi tahrir
Shuxrat oilali, ikki nafar farzandi bor.
Manbalar tahrir
- ↑ [https://lex.uz/ru/docs/4494037?ONDATE=26.07.2019%2000 „СОВМЕСТНОЕ ПОСТАНОВЛЕНИЕ КЕНГАША ЗАКОНОДАТЕЛЬНОЙ ПАЛАТЫ ОЛИЙ МАЖЛИСА РЕСПУБЛИКИ УЗБЕКИСТАН И КЕНГАША СЕНАТА ОЛИЙ МАЖЛИСА РЕСПУБЛИКИ УЗБЕКИСТАН“]. Qaraldi: 2023-yil 13-noyabr.
- ↑ „ОСВЕЩЕНИЕ В СМИ ДЕЯТЕЛЬНОСТИ ДЕПУТАТОВ В ИЗБИРАТЕЛЬНЫХ ОКРУГАХ“. Qaraldi: 2023-yil 13-noyabr.