Sirojiddin Sayfiyev
Sirojiddin Sayfiyev (1982-yil 20-avgust – 2019-yil 20-fevral) – yarim himoyachi sifatida oʻynagan oʻzbekistonlik sobiq professional futbolchi. Faoliyatining asosiy qismini Samarqandning „Dinamo“ klubida oʻtkazgan.
| Shaxsiy maʼlumot | |||
|---|---|---|---|
| Tavallud sanasi | 20-avgust 1982-yil | ||
| Tavallud joyi |
Samarqand, Oʻzbekiston SSR | ||
| Vafot sanasi |
20-fevral 2019-yil (36 yoshda) | ||
| Vafot joyi |
Samarqand, Oʻzbekiston | ||
| Boʻyi | 1,73 m | ||
| Ampluasi | Yarim himoyachi | ||
| Professional faoliyati* | |||
| Yillar | Jamoa | Isht. | (Gol.) |
| 2001—2005 | Dinamo | 107 | (5) |
| 2006 | Taraz | 3 | (0) |
| 2007—2008 | Shoʻrtan | 47 | (6) |
| 2009—2014 | Dinamo | 120 | (15) |
| Milliy terma jamoa | |||
| 2008 | Oʻzbekiston | 1 | (0) |
| *Professional klublardagi gollari (ichki chempionat) | |||
Futbolchilik faoliyati
tahrirSirojiddin Sayfiyev professional faoliyatini 2001-yilda oʻzining tugʻilgan shahri „Dinamo“ jamoasida boshlagan. „Dinamo“ tarkibida Sayfiyev 2005-yilgacha toʻp surgan va shu vaqt ichida u 107ta oʻyinda maydonga tushib, 5ta gol urgan. 2006-yilda u Qozogʻistonning „Taraz“ klubi bilan shartnoma imzolagan, biroq bu jamoa tarkibida bor-yoʻgʻi uchta oʻyin oʻtkazgan. 2006-yil oxirida u „Taraz“ bilan shartnomani bekor qilib, Oʻzbekistonga qaytgan.
2007-yil boshida „Shoʻrtan Gʻuzor“ jamoasi bilan shartnoma imzolagan. „Shoʻrtan“ tarkibida Sayfiyev ikki mavsum toʻp surdi va shu vaqt ichida 47 ta oʻyinda maydonga tushib, 6 ta gol urgan. 2009-yilda u oʻzining tugʻilgan klubi „Dinamo“ga qaytgan. Sirojiddin Sayfiyev klubning sodiq futbolchilaridan biri boʻlib, u „Dinamo“ tarkibida 200 dan ortiq oʻyin oʻtkazgan. Oʻzbekiston milliy terma jamoasi safida 2008-yilda bitta oʻyin oʻtkazgan. 2014-yilda u „Dinamo“ tarkibida jiddiy jarohat oldi[1][2]. Keyinchalik unga saraton tashxisi qoʻyilgan[3][4][5]. 2019-yilning 20-fevralida uzoq davom etgan kasallikdan soʻng vafot etgan[6][7]. Sirojiddin xotirasiga har yili „Sirojiddin Sayfiyev xotira turniri“ oʻtkazib kelinmoqda[8][9][10].
Manbalar
tahrir- ↑ „Сирожиддин Сайфиевнинг аҳволи оғир!“ (24 окт 2014).
- ↑ „"Динамо": "Сирожиддин Сайфиев даволаниб, сафга қайтгунига қадар тўлиқ клуб назоратида бўлади"“ (26 окт 2014).
- ↑ „Таслим бўлма Сирож!“ (04 апр 2017).
- ↑ „«Сирож Самарқанд сен билан» хайрия акцияси ўтказилди“ (16 апр 2017).
- ↑ „"Динамо" Сирожиддин Сайфиев олдидаги қарзларини тўлади“ (25 апр 2017).
- ↑ „Сирожиддин Сайфиев вафот этди“ (20 фев 2019).
- ↑ „Ўзбекистон Суперкубоги учрашуви 1 дақиқалик сукут билан бошланади“ (20 фев 2019).
- ↑ „Сирожиддин Сайфиев хотира турнири ўтказилади“ (22 фев 2020).
- ↑ „Сирожиддин Сайфиев хотира турнири ўтказилди“ (09 мар 2020).
- ↑ „"Сирожиддин Сайфиев" хотира турнирида ғолиблар аниқланди“ (2023-yil 27-fevral).
Havolalar
tahrir- Sirojiddin Sayfiyev Footballfactsru saytida