Susan Wagner

Susan Lynne Wagner (inglizcha: Susan Lynne Wagner; 1961-yil 1-yanvarda^[1], Chikago, Illinoys, AQSHda tugʻilgan) — amerikalik tadbirkor. BlackRock investitsiya kompaniyasining hammuassisi, direktorlar kengashi aʼzosi va sobiq direktori, Apple Inc direktorlar kengashi aʼzosi^[2].

2013-yilda Fortune jurnali uni biznesdagi eng nufuzli 50 nafar ayol qatoriga kiritdi va uning yutuqlari Ayollarni oʻrganish boʻyicha Milliy kengash tomonidan eʼtirof etildi.

Biografiya

Susan Wagner Chikago hududida oʻsgan. U 1982-yilda Uellsli kollejini ingliz tili va iqtisod boʻyicha bakalavr darajasi bilan tamomlagan^[3]. 1984-yilda esa Chikago universitetida moliya boʻyicha magistrlik darajasini olgan^[4].

Martaba

MBA darajasini olgandan soʻng, SusanLehman Brothers investitsiya bankiga qoʻshildi, u yerda u qoʻshilish va sotib olish, barqaror daromadli mahsulotlar boʻyicha ishladi va strategik xaridlar boʻyicha tajribasini oshirdi^[5].

1988-yilda Susan ham, Ralf Sholshteyn ham Lehmanni tark etib, Blackstone Financial Group — hozirgi BlackRock ga qoʻshildi^[6].

BlackRock asoschisi sifatida Susan bosh operatsion direktor boʻlib ishlagan va BlackRockning qoʻshilishi va sotib olinishini nazorat qilgan. U BlackRockni aktivlarni boshqarish boʻyicha dunyodagi eng muvaffaqiyatli kompaniyalardan biriga aylantirishga yordam berdi, bir qator boshqaruv lavozimlarini, jumladan, 2012-yilning oʻrtalariga qadar Direktorlar kengashi raisi oʻrinbosari lavozimini egalladi^[7]. Uning faol ishtiroki bilan BlackRock Quellos, Merrill Lynch Investment Management va Barclays Global Investors kabi kompaniyalarni birlashtirdi. BlackRockni tark etishdan oldin Susan Wagner kompaniya faoliyatini Osiyo, Yaqin Sharq va Braziliyada kengaytirdi^[8]^[9].

2014-yil 17-iyulda Wagner Apple Inc direktorlar kengashiga saylandi, uzoq yillik boshqaruv aʼzosi Uilyam Kempbell oʻrniga^[10]^[11].

Manbalar

[1] „Susan Wagner Story - Bio, Facts, Networth, Home, Family, Auto | Famous Businesswomen | SuccessStory“. 2016-yil 9-aprelda asl nusxadan arxivlangan. Qaraldi: 2016-yil 13-mart.

[2] ttps://imag.one/news/persons/syuzan-vagner?__cf_chl_rt_tk=k3yjQLA26.FQPC8wsd5Hg72Geybayo6mGH.6Y6wkp9s-1669296792-0-gaNycGzNCL0

[3] ttps://www.peoples.ru/science/psihology/vagner/index.html

[4] ttps://imag.one/news/persons/syuzan-vagner?__cf_chl_rt_tk=k3yjQLA26.FQPC8wsd5Hg72Geybayo6mGH.6Y6wkp9s-1669296792-0-gaNycGzNCL0

[5] ttps://www.peoples.ru/science/psihology/vagner/index.html

[6] ttps://imag.one/news/persons/syuzan-vagner?__cf_chl_rt_tk=k3yjQLA26.FQPC8wsd5Hg72Geybayo6mGH.6Y6wkp9s-1669296792-0-gaNycGzNCL0

[7] ttps://www.peoples.ru/science/psihology/vagner/index.html

[8] ttps://imag.one/news/persons/syuzan-vagner?__cf_chl_rt_tk=k3yjQLA26.FQPC8wsd5Hg72Geybayo6mGH.6Y6wkp9s-1669296792-0-gaNycGzNCL0

[9] ttps://www.peoples.ru/science/psihology/vagner/index.html

[10] ttps://www.peoples.ru/science/psihology/vagner/index.html

[11] ttps://www.peoples.ru/science/psihology/vagner/index.html

[1]

[2]

[3]

[4]

[5]

[6]

[7]

[8]

[9]

[10]

[11]