Tansuy

„Tansuy“ (ruscha: Танцуй, yaʼni „Raqsga tush“) — „Zveri“ rus rok musiqa guruhi ijro etgan qoʻshiq. 2006-yil eʼlon qilingan. Guruhning oʻsha yili chiqarilgan „Kogda mi vmeste, nikto ne kruche“ nomli studiyaviy albomiga yettinchi trek oʻlaroq kiritilgan. Qoʻshiq soʻzini guruh solisti Roman Bilik taganroglik shoir Viktor Bondarev bilan hamkorlikda yozgan, kuyini esa oʻzi mustaqil bastalagan. „Tansuy“ guruh repertuaridagi eng taniqli taronalarning biridir. Qoʻshiq uchun sodda klip olingan. Undan guruhning konsert davomida qoʻshini ijro etayotgani aks etgan kadrlar oʻrin olgan.

„Tansuy“
„Zveri“ qoʻshigʻi
„Kogda mi vmeste, nikto ne kruche“ albomidan
Chiqarilgan sanasi	2006
Yozib olingan	2006
Janr	alternativ-rok
Davomiyligi	3:28
Matn muallif(lar)i	Roman Bilik Viktor Bondarev
Bastakor(lar)	Roman Bilik
„Kogda mi vmeste, nikto ne kruche“ xronologiyasi
„Nayedine“ „Tansuy“ „Kiborg-ubiysa“
Klipi
„Tansuy“ YouTubeda

Sergey Shuba „Newsmusic“ sayti uchun albom haqida yozgan taqrizida qoʻshiqni quyidagicha baholagan:

„Zveri“ juda muvaffaqiyatli tarzda oʻzlariga taqlid qilib, musiqiy va matn materialni maksimal darajada soddalashtirishga erishdilar va munosib boyz-bendga aylandilar. Otashin „Snegopad“ va „Tansuy“, romantik „Nayedine“ va „S dobrim utrom“ yosh ayollarning qalbini hali koʻp bor hayajonga soladi, xit-paradlarda yetakchi oʻrinlarni egallaydi, konsertlarda esa musiqachilarning oyogʻi ostiga ayiqchalar va xoʻrozqandlar tushadi.

Havolalar

• „Tansuy“ YouTubeda