Tatyana Konyuxova Georgievna (1931-yil 12-noyabr, Toshkent, Oʻzbekiston SSR, SSSR) – sovet va rus aktrisasi, 1991-yilda RSFSR xalq artisti, hamda 1967—1991-yillarda KPSSning rasmiy aʼzosi boʻlgan.

U turli janrdagi oʻnlab filmlarda komik aktrisa sifatida rol oʻynagan[1]. 1952-yilda „Mayskaya noch, ili Utoplennitsa“, 1995-yilda „Dobroe utro“ , 1958-yilda „Nad Tissoy“ , 1961-yilda „Karera Dimi Gorina“, 1964-yilda „Jenitba Balzaminov“ kabi filmlarda roʻl ijro qilgan.

Tarjimai holi

tahrir

Kelib chiqishi

tahrir

U 1931-yil 12-noyabrda Oʻzbekiston SSR poytaxti – Toshkent shahrida harbiy xizmatchi oilasida tugʻilgan. Boʻlajak rassomga uning xolasini ismini qoʻyishgan[2].

Ota tomonidan bobosi bosh agronomlik lavozimida butun Poltava yaqinidagi shakar zavodlari uchun lavlagi yetishtirish bilan shugʻullangan. Buvisi esa polshalik boʻlgan[2].

Ota-onasi Poltavalik edi. Otasi – Georgiy Konyuxov Stepanovich harbiy muhandis boʻlgan. Georgiy Oʻzbekiston kompartiyasi markaziy qoʻmitasida paxta zavodi direktori boʻlgan. Qatagʻon yillarida nohaq qoralash oqibatida 3 yil xizmat oʻtagan. TVC telekanalidagi „Moy geroy“ dasturi muallifi Tatyana Ustinova bilan suhbatda Konyuxovaning aytishicha „Vishnevskiy malhamining hidi hali ham otasi qamoqda yuqtirgan kasallikni eslatadi“. Onasi – Anastasiya Konyuxova Denisovna uy bekasi boʻlgan. Oilada yana bitta akasi va bitta opasi boʻlgan. Opasini Tatyana tarbiyalagan, chunki akasi Igor vafotidan keyin onasi uzoq vaqt tushkunlikka tushib qolgan.

Yoshligi

tahrir

Bolaligi Samarqand viloyatining Kattaqoʻrgʻon qishlogʻida oʻtgan. 1946-yilda otasi Latviyaga ishlash uchun yuborilgan va Konyuxovlar oilasi Rigaga koʻchib oʻtgan.

U besh yoshida rassom boʻlishni orzu qilgan, qoʻshiq aytish, raqsga tushish va kino ishqibozi boʻlgan. U Lyubov Orlova bilan (1936-yil) „Tsirk“ va (1934-yil) „Vesyolie rebyata“ filmlarini, Marina Ladynina bilan (1939-yil) „Traktoristi“ filmlarini qayta-qayta tomosha qilgan. U ekranda koʻrgan hamma harakatlarni takrorlagan. U „Tsirk“ning barcha musiqiy chiqishlarini yoddan bilgan va aytib ham bera olgan.

1949-yilda Liepaya shahridagi oʻrta maktabni tamomlagan.

Manbalar

tahrir
  1. Кино: Энциклопедический словарь. М.: Советская энциклопедия, 1987 — 209 bet. 
  2. 2,0 2,1 Комраков, Дмитрий. „Татьяна Конюхова: «Две тысячи лет не срок для настоящей любви»“. newvz.ru (2016-yil 11-fevral). 2020-yil 28-oktyabrda asl nusxadan arxivlangan. Qaraldi: 2020-yil 24-may.