The Nobodies

Marilyn Manson guruhi singli (2001)

The Nobodies“ (tarjimasi „Hech kimlar“) — Amerikada tuzilgan „Marilyn Manson“ guruhi ijro etgan qoʻshiq. Guruhning „Holy Wood (In the Shadow of the Valley of Death)“ (2000) nomli toʻrtinchi studiyaviy albomining uchinchi va yakuniy singli oʻlaroq chiqarilgan. Qoʻshiqda 1999-yilda Columbine maktabidagi qirgʻinni uyushtirgan Eric Harris va Dylan Kleboldga ishoratlar bor[1]. Qoʻshiq nomi John Lennon qotili Mark David Chapman aytgan „oʻzimni hech kimdek his qilganman“ (inglizcha: [I] felt like a nobody) jumlasidan olingan.

„The Nobodies“
Marilyn Manson qoʻshigʻi
„Holy Wood (In the Shadow of the Valley of Death)“ albomidan
Chiqarilgan sanasi 6-oktyabr 2001-yil
Yozib olingan 2000
Janr Industrial-rok
Davomiyligi 3:40
Leybl Interscope
Matn muallif(lar)i
Prodyuser(lar)
Marilyn Manson singllari xronologiyasi
„The Fight Song“
(2001)
The Nobodies
(2001)
„Tainted Love“
(2001)
Klipi
„The Nobodies“ YouTubeda

Qoʻshiq singl oʻlaroq Buyuk Britaniyada 2001-yilning 3-sentyabrida, AQShda esa oʻsha yilning 6-oktyabrida chiqarilgan[2][3]. Johnny Depp bosh rolni oʻynagan „From Hell“ (2001) filmida taronaning remiksi yangraydi[4]. Qoʻshiq 2005-yilda „The Nobodies: 2005 Against All Gods Mix“ nomi bilan Yevropa va Osiyoda guruhning „Against All Gods“ dunyo gastroli munosabati bilan bilan eʼlon qilingan, AQShda esa „Lest We Forget: The Best Of“ terma albomiga kiritilgan. Shuningdek, taronaning akustik versiyasi ham mavjud.

Rejissyor Paul Fedor „The Nobodies“ qoʻshigʻi uchun klip suratga olgan. Guruh solisti Marilyn Manson dastlab qoʻshiq uchun Rossiyada klip olish haqida oʻylagan, chunki mamlakatdagi „muhit, xaroblik, sovuqlik va arxitektura qoʻshiqqa juda mos keladi“ deb oʻylagan[5], ammo bu fikrdan voz kechgan.

Columbine maktabidagi qirgʻin ortidan ayrim matbuot nashrlari hamda ayrim siyosatchilar, jumladan, senator Joseph Lieberman qotillar Marilyn Manson qoʻshiqlarini tinglaganini va guruh qoʻshiqlari ularni qotillikka undaganini iddao qilgan. Ammo aslida Harris va Klebold guruh muxlislari boʻlmagani aytiladi. Michael Moore suratga olgan „Bowling for Columbine“ hujjatli filmida Manson bu borada oʻz fikrini izhor qilgan. Moore undan qotillikni sodir etgan oʻsmirlar va Columbine jamoasiga nima degan boʻlishini soʻraganida, „Men ularga hech nima demagan boʻlardim. Men ular aytmoqchi boʻlganini eshitgan boʻlardim. Hech kim shu ishni qilmadi“, deb javob bergan[6].

Trek-list tahrir

NomiMuallif(lar)Davomiyligi
1.„The Nobodies“ (Album Version)3:36
2.„The Nobodies“ (Live Version)
  • Manson
  • 5
3:57
3.„The Death Song“ (with Bible Speech, Live in Colorado)
  • Manson
  • 5
6:18
4.„The Nobodies“ (Video) 3:40

Manbalar tahrir

  1. Shafer, Joseph „The 10 Best Marilyn Manson Songs“. Stereogum. Valence Media (2015-yil 8-aprel). 2015-yil 27-iyunda asl nusxadan arxivlangan. Qaraldi: 2015-yil 26-iyun.
  2. „'Nobodies' Here!“. NME. London, England: IPC Media (2001-yil 21-avgust). Qaraldi: 2011-yil 11-iyun.
  3. „The Nobodies“. Rate Your Music. Qaraldi: 2011-yil 1-aprel.
  4. Wiederhorn, Jon „Marilyn Manson Cover 'Tainted Love,' Record Live DVD“. MTV News (2001-yil 1-noyabr). Qaraldi: 2011-yil 1-aprel.
  5. "Guns, God & Government Tour". Kerrang! (Bauer Media Group) (839). February 10, 2001. 
  6. „Marilyn Manson Interview on Bowling for Columbine“. Bowling for Columbine Official Website (2002-yil 11-oktyabr). 2011-yil 15-iyunda asl nusxadan arxivlangan. Qaraldi: 2010-yil 15-noyabr.

Havolalar tahrir