Toir Vohidov
Toir Abduqahhorovich Vohidov (1963-yil 11-noyabrda Samarqandda dunyoga keladi) — sovet va o‘zbek shaxmatchisi, grossmeyster (2009), hakam va murabbiy[1] . O‘zbekiston terma jamoasi tarkibida shaxmat bo‘yicha ikkita jamoaviy olimpiadada (1996 va 2002)[2], ikkita jamoaviy jahon chempionatida (1993 va 2001) va uchta jamoaviy Osiyo chempionatlarida (1993, 1999, 2003) shaxmat surgan. 2014-yilda u FIDE hakami bo‘ladi.
| Toir Abduqaharovich Vohidov | |
| Таир Абдукахарович Вахидов | |
| Tugʻilgan sanasi: | 11-dekabr 1963-yil |
| Tugʻilgan joyi: | Samarqand, OʻzSSR |
| Unvoni: | Grossmeyster(2009) |
| Maksimal reytingi: | 2546 (2003-yil) |
| Hozirgi reytingi : | 2380 |
| Mukofotlari: |
|
Shaxmatdagi faoliyati
tahrirSovet davrida Toir Vohidov kuchli raqobat tufayli terma jamoaga kira olmadi. 1983-yilda shaxmat bo‘yicha sport ustasi unvonini oldi. SSSR parchalanganidan keyin shaxmat bo‘yicha O‘zbekiston terma jamoasi a’zosi bo‘ldi. 1992-yili Toshkent shahrida shaxmat bo‘yicha o‘tkazilgan xalqaro turnirda Grigoriy Serper bilan ikkinchi o‘rinni bo‘lishib olgan. 1993-yilda O‘zbekiston vise-chempioni bo‘ldi. 1997-yilda Shverin shahrida (Germaniya) ochiq turnirda ikkinchi o‘rinni egalladi. 2000-yilda Abu-Dabida (BAA) shaxmat bo‘yicha o‘tkazilgan turnirda ikkinchi o‘rinni oladi. 2004-yili Madras (Hindiston) shahrida shaxmat bo‘yicha o‘tkazilgan turnirda Toir Vohidov birinchi o‘rinni egallagan bo‘lsa, 2005-yilda Bandar-Seri-Begavan (Bruney) shahrida o‘tkazilgan ikkita turnirda g‘oliblikni qo‘lga kiritgan. 2005-yildan keyin u shaxmat turnirlarida kamdan-kam ishtirok etadi. 2019-yilda “Inarkiyev Cup” xalqaro shaxmat festivalida uchinchi o‘rinni egallaydi[3] .
1993-yilda shaxmat bo‘yicha 10-jamoaviy Osiyo chempionatida O‘zbekiston terma jamoasi tarkibida kumush medalni olishga musharraf bo‘ladi. 1999-yili shaxmat bo‘yicha 12-jamoaviy Osiyo chempionatida oltin medalni qo‘lga kiritdi.
2003-yil 1-yanvarda Toir Vohidov o‘z faoliyatidagi FIDE reytingida 2546 ball bilan maksimal reytingga erishib, o‘zbekistonlik shaxmatchilar ro‘yxatida ikkinchi bo‘ldi.
2015-yilda Chittagongdagi xalqaro turnirda g‘olib chiqdi (A.Al-Raqib bilan 1-2-o‘rinlarda)[4].
Sport natijalari
tahrir| Yil | Shahar | Turnir | + | − | = | Natija | Joy |
|---|---|---|---|---|---|---|---|
| 1993 yil | Kuala Lumpur | 10-jamoaviy Osiyo chempionati | 1 | 2 | 1 | 4 dan 1½ | 2 [5] |
| Lucerne | 3- jamoaviy jahon chempionati | 1 | 2 | 1 | 4 dan 1½ | ||
| 1996 yil | Yerevan | 32-Olimpiada | 2 | 2 | 4 | 8 dan 4 | |
| 1999 yil | Shenyang | 12-jamoaviy Osiyo chempionati | 0 | 1 | 5 | 6 dan 2½ | 1 [5] |
| 2001 yil | Yerevan | 5-jamoaviy jahon chempionati | 0 | 1 | 3 | 4 dan 1½ | |
| 2002 yil | Bled | 35-Olimpiada | 2 | 0 | 5 | 7 dan 4½ | |
| 2003 yil | Jodxpur | 13-jamoaviy Osiyo chempionati | 3 | 1 | 0 | 3/4 | 3 [6] |
Manbalar
tahrir- ↑ „Vahidov, Tair FIDE Chess Profile - Players Arbiters Trainers“. ratings.fide.com. 2020-yil 3-iyunda asl nusxadan arxivlangan. Qaraldi: 2019-yil 22-dekabr.
- ↑ „OlimpBase :: Men's Chess Olympiads :: Tahir Vakhidov“. www.olimpbase.org. Qaraldi: 2019-yil 22-dekabr.
- ↑ Иван МАРЧЕНКО. „Кыргызстанцы победили на международном фестивале шахмат“ (ru). 24.kg (2019-yil 19-avgust). 2019-yil 22-dekabrda asl nusxadan arxivlangan. Qaraldi: 2019-yil 22-dekabr.
- ↑ „CJKS-Prime GM 2015 2015 - 365Chess.com Tournaments“. www.365chess.com. 2020-yil 4-fevralda asl nusxadan arxivlangan. Qaraldi: 2020-yil 4-fevral.
- ↑ 5,0 5,1 umumjamoa
- ↑ shaxsiy.
Havolalar
tahrirFIDE saytida Toir Vohidovning shaxsiy kartasi
Chessgames.com ma'lumotlar bazasida Toir Vohidov o'yinlari