Trilogy – kanadalik qoʻshiqchi The Weekndning birinchi kompilyatsiya albomi. U 2012-yil 13-noyabrda XO va Republic Records orqali chiqarildi. Toʻplamga Abelning 2011-yilgi House of Balloons, Thursday va Echoes of Silence miksteyplarining remikslangan yoki remaster qilingan treklari hamda avval taqdim qilinmagan – "Twenty Eight", „Valerie“ va „Till Dawn (Here Comes the Sun) qoʻshiqlari (bonus treklar sifatida) kiritilgan.
Trilogy tanqidchilardan asosan ijobiy sharhlarni oldi, bu miksteyplarning shuhratini yanada kuchaytirdi. U uchta singl va 2012-yil sentyabr–noyabr oylarida The Weekndning konserti bilan targʻib qilindi. Albom Kanadada beshinchi, Qoʻshma Shtatlarda toʻrtinchi oʻrinni egalladi.
2011-yilda The Weeknd bir qator miksteyplarni – House of Balloons, Thursday, Echoes of Silenceni chiqardi va ham tanqidchilarning eʼtirofga, ham oʻsib borayotgan muxlislar bazasiga ega boʻldi[2][3]. Miksteyplar asosan prodyuserlar Doc McKinney va Illangelo bilan[4]Torontodagi Dream House va Site Sound Studiosda yozilgan; Sterling Road Studios da qoʻshimcha ishlar qilingan. The Weeknd miksteyplarni onlayn bepul raqamli yuklab olish uchun chiqardi.
2012-yil sentabr oyida The Weekndning XO leybli Republic Records bilan shartnoma tuzdi[5]. Miksteyplar keyinchalik remaster qilingan va Trilogy uchun yigʻilgan, shuningdek, ilgari chiqarilmagan, Torontodagi Liberty Studiosda yozilgan uchta qoʻshiq ham kiritilgan. “Twenty Eight", „Valerie“ va „Till Dawn (Here Comes the Sun)“ har bir kompilyatsiya disklarining oxiriga bonus trek sifatida kiritilgan[6].
Miksteyplarning musiqasini chakana savdoga qayta chiqarish uchun The Weeknd dastlab baʼzi qoʻshiqlari, jumladan Beach Housening „Master of None“ trekidan sempl ishlatilgan „The Party & The After Party“ va Siouxsie and the Bansheesning „Happy House“ trekidan sempl ishlatilgan "House of Balloons / Glass Table Girls" uchun ijodkorlardan ruxsat soʻrashiga toʻgʻri kelgan; Aaliyahning „Rock the Boat“ trekidan sempl ishlatilgan „What You Need“ treki Trilogydan chiqarib tashlandi.
The Weeknd 2012-yil sentabrdan noyabrgacha Trilogyni qoʻllab-quvvatlash maqsadida gastrol qildi. U 24-oktabr kuni Nyu-York shahridagi tinglash kechasida albomni taqdim etdi. Bu uning birinchi yirik media tadbiri edi[7].
Albomning asosiy singli „Wicked Games“ 2012-yil 22-oktyabrda chiqdi[8]. Toʻrt kun oldin, 2012-yil 18-oktabrda uning remaster qilingan versiyasining video chiqdi[9]. Qoʻshiq Canadian Hot 100 roʻyxatida 43-oʻrinni egalladi[10], AQSH Billboard Hot 100 roʻyxatida 53-oʻrinni va AQShning Hot R&B/Hip-Hop Songs 13-oʻrinni egalladi[11][12].
Ikkinchi singl "Twenty Eight" 13-noyabrda chiqdi[13]. Uning musiqiy videosi 2013-yil 13-fevralda rejissyor Nabil Elderkin tomonidan chiqarilgan[14].
"The Zone" albomning uchinchi va oxirgi singli sifatida uch kundan soʻng chiqarildi, uning videosi 2012-yil yanvarda suratga olingan va 2012-yil 13-noyabrda chiqarilgan[15].
Trilogy asosan ijobiy sharhlar bilan kutib olindi. Professional nashrlarning sharhlariga 100 dan normallashtirilgan reytingni belgilaydigan Metacriticda albom 19 ta sharhga asoslanib, oʻrtacha 79 ball oldi. AnyDecentMusic? agregatori tanqidiy konsensusni baholashga asoslanib, 10 dan 8,1 ball berdi.
Trilogy Canadian Albums Chartda beshinchi oʻrinni egalladi. Qoʻshma Shtatlarda u Billboard 200 roʻyxatida toʻrtinchi oʻrinda debyut qildi, birinchi haftada 86 000 nusxada sotildi[16]. 2015-yil avgustiga kelib, Qoʻshma Shtatlarda 558 000 nusxada sotilgan[17]. 2019-yil 18-martda Trilogy Amerika Yozuv Sanoati Assotsiatsiyasi (RIAA) tomonidan uch karra platina sertifikatiga ega boʻldi. 2022-yil 10-iyunda albom Music Canada tomonidan uch karra platina sertifikatiga ega boʻldi.