Uta Abe
Uta Abe (yaponcha: 阿 部 詩; tugʻ. 2000-yil 14-iyul, Kobe, Yaponiya) — yaponiyalik dzudochi, 52 kg gacha vazn toifasida, Yaponiya terma jamoasi aʼzosi. 2020-yilgi Yozgi Olimpiada o'yinlari chempioni va kumush medali sovrindori, ikki karra Jahon chempioni.
| Uta Abe | |
|---|---|
 Uta Abe (o'ngda) 2018-yilda Jahon chempionatida | |
| Shaxsiy maʼlumotlari | |
| Jinsi | ayol |
| Tavallud paytidagi ismi | yaponcha: 阿 部 詩 |
| Fuqaroligi |
 Yaponiya |
| Tavallud sanasi |
14-iyul 2000-yil Kobe, Yaponiya |
| Vazni | 52 kg |
| Sport | |
| Qaysi sport | dzudo |
| Sport mukofotlari | ||
|---|---|---|
| Yozgi Olimpiada oʻyinlari | ||
| Oltin | Tokio 2020 | 52 kg |
| Kumush | Tokio 2020 | aralash jamoa |
| Dzudo bo'yicha Jahon chempionati | ||
| Oltin | Boku 2018 | 52 kg |
| Oltin | Tokio 2019 | 52 kg |
Faoliyati tahrir
Uta Abe dzyudochi, Yozgi Olimpida va ikki karra Jahon chempioni Hifumi Abening singlisi.[1]
2016-yil fevral oyida Dusseldorfda (Germaniya) Gran-prisida Abe birinchi oʻrinni egallab, IJF (Xalqaro dzudo federatsiyasi) Gran-prisini yutgan eng yosh ayol dzudochi boʻldi.[2]
2018-yilda Bokuda (Ozarbayjon) boʻlib oʻtgan Jahon chempionatida u 52 kg gacha vazn toifasida ishtirok etdi va 18 yoshida birinchi Jahon chempionligini qoʻlga kiritdi. Uta Abe tarixda sayyoramizning eng yaxshi dzudochi unvonini qoʻlga kiritgan uchinchi eng yosh dzudochiga aylandi.[3] Avvaliga Abe polshalik dzudochi Karolina Penkovskani, keyin esa shveysariyalik Fabien Kocherni magʻlub etdi. U yarim finalda fransiyalik Amandine Buchardni 40 soniyadan kamroq vaqt ichida magʻlub etishdan oldin braziliyalik Jessica Pereyrani magʻlub etdi. Finalda Abe hamyurti, amaldagi Jahon chempioni Ai Shishime bilan toʻqnash keldi va oltin medalni qoʻlga kiritdi.[4]
2019-yilda Tokioda (Yaponiya) boʻlib oʻtgan Yozgi Olimpiada oldidan Jahon chempionatida u finalda rossiyalik sportchi Natalya Kuzyutinani magʻlub etib, oltin medalni qoʻlga kiritdi.[5] Keyingi yili u Toshkentda (Oʻzbekiston) va Qozonda (Rossiya) boʻlib oʻtgan „Katta dubulgʻa“ turnirlarida gʻolib chiqdi. U 2021-yilgi Jahon chempionatida ishtirok etmayapti, bu yerda hamyurti Ai Shishime chempionlikni qoʻlga kiritadi.[6]
2021-yilda Tokioda (Yaponiya) boʻlib oʻtgan Yozgi Olimpiada oʻyinlarida u 52 kg gacha vazn toifasida final bahsida fransiyalik Amandine Buchardni magʻlub etib, oltin medalni qoʻlga kiritdi.[7][8]
Manbalar tahrir
- ↑ https://www.japantimes.co.jp/sports/2017/12/03/more-sports/judo/hifumi-abe-sister-uta-top-podium-grand-slam-tokyo/
- ↑ https://www.japantimes.co.jp/sports/2017/02/25/more-sports/judo/abe-makes-history-grand-prix-win/
- ↑ https://www.judoinside.com/news/2868/Uta_Abe_makes_miracles_come_true_with_World_title
- ↑ https://www.ijf.org/judoka/35696
- ↑ https://www.the-sports.org/t-spf470647.html
- ↑ https://ici.radio-canada.ca/sports/1798924/double-japonais-aux-championnats-du-monde-de-judo
- ↑ https://www.olympedia.org/athletes/144401
- ↑ https://english.kyodonews.net/news/2021/07/4e5dbc4be0ba-olympics-abe-siblings-aim-for-golden-judo-double.html