Vinnitsa

Vinnitsa (ukraincha: Ві́нниця) — Ukrainadagi shahar, Vinnitsa viloyatining markazi. Janubiy Bug daryosi boʻyida. Temir yoʻl tuguni. Ahrlisi 381 ming kishi (1999). Shahar birinchi marta 1363-yildan tilga olingan. Ukrainaning yirik sanoat va madaniyat markazlaridan. Vinnitsada oziq-ovqat (yogʻ-moy, meva konserva va goʻsht), yengil (poyabzal, tikuvchilik, trikotaj, attorlik fabrikalari va b.), kimyo (kimyo kombinati), mashinasozlik (shu jumladan traktor agregatlari, asbobsozlik, elektrotexnika, radiotexnika apparaturalari, podshipnik zavodlari) va metallsozlik sanoatlari rivojlangan. Qurilish materiallari ishlab chiqariladi. 3 oliy oʻquv yurti, musiqa, tibbiyot bilim yurtlari, 3 muzey, musiqali drama teatri, qoʻgʻirchoq teatri va filarmoniya ishlab turibdi. 1793-yildan Rossiya imperiyasi qoʻl ostida boʻlib kelgan. Iyezuit (17-asr), dominikan (18-asr) va kaputsin (18-asr) ibodatxonalari, Yurev (18-asr) va Nikolayev (18-asr) yogʻoch cherkovlari saqlangan.

Vinnitsa ukraincha: Ві́нниця
Shahar
Bayroq Gerb
49°14′14″N 28°28′2″E
Mamlakat	Ukraina
viloyat	Vinnitsa viloyati
Asos solingan	1363
Aholisi  (2022)	369 739
Vaqt mintaqasi	UTC+2
Telefon kodi	+380 432
Pochta indeks(lar)i	21000
Vinnitsa

Adabiyotlar

• OʻzME. Birinchi jild. Toshkent, 2000-yil