Volga monyagi
"Volga manyagi" (Radik Tagirov)— tataristonlik jinoyatchi. Tataristonda 30 nafardan ortiq keksa ayollarni oʻldirganlikda ayblanib, umrbod qamoq jazosiga hukm qilingan.
| Radik Tagirov | |
|---|---|
| Tavalludi | may 1982 |
| Fuqaroligi | Tatariston |
| Kasbi | Chilangar[1][2] |
Qotilliklari
tahrirTataristonda 30 nafardan ortiq keksa ayollarni oʻldirganlikda ayblangan Radik Tagirov 10 yillik qidiruvdan soʻng umrbod qamoq jazosiga hukm qilindi[3].
2011-yilning bahor, yoz fasllarida Qozon boʻylab 70-90 yosh oraligʻidagi yolgʻiz yashaydigan keksa ayollar oʻrtasida bir qancha qotilliklar sodir boʻlgan. Ayollar nomaʼlum shaxs tomonidan boʻgʻib oʻldirilgan. Shuningdek pullar ham oʻgʻirlangan. Jinoyatlarning barchasi eski Xrushchyov binolarida sodir boʻlgan[3].
Moʻjiza tufayli tirik qolgan jabrlanuvchi bergan maʼlumotlarga tayangan holda jinoiy-qidiruv guruh tuzilgan. Avval ham mana shu turdagi jinoiy ishlarni sodir etganlikda ayblangan va qamoq jazosini oʻtayotgan barcha oʻrta boʻyli va oʻrta yoshli erkaklar nazoratchilar tomonidan tekshirilgan boʻlsa-da, hech qanday ijobiy natijaga erishilmadi. Jinoyatchi xonadonlarga turli xil qiyofalarda tashrif buyurgan: ijtimoiy xodim, gaz xizmati xodimi yoki uy-joy kommunal xizmatchisi[3][1][2].
2012-yilning oktyabr oyida qotilliklar toʼxtasa-da, tergov hamon davom etib, mahbuslardan DNK olingan. Qotilni ijtimoiy ishchi yoki yolgʻiz nafaqaxoʻrlar roʻyxatiga kirgan shaxs deya taxmin qilishgan[3].
2017-yilning mart oyida Samarada jinoiy ish sodir etilgan. Uch nafar nafaqadagi kishilar birin-ketin oʻldirilgan. Qozogʻistonlik Pavel Shayaxmetov ismli shaxs qoʻlga olingan. U dastlab jinoyatlarni tan olgan, biroq sud jarayonida qandaydir moddalar taʼsirida koʻrsatma berganini aytadi va jinoyatdan bosh tortadi. Tergov ishlari uning oʻzini oʻldirishi bilan tugaydi[3].
Qamalishi
tahrirQozonlik bir ayol politsiyaga 35 yoshda boʻlgan oʻgʻli Radik Tagirov gʻoyib boʻlgani haqida aytadi. Qidiruv ishlari boshlanib, dastlab ayol DNK testini topshiradi. Test natijalariga koʻra, genotip „Volga manyagi“ bilan qondosh boʻlib chiqadi. Jinoyatchi Tagirov 2020-yil dekabr oyida Tataristondagi bir qishloqdan topiladi. U qoʻlga olingunga qadar ham jinoyat sodir etgan. Jumladan, 2000-yil u ikki marta qurol saqlash va oʻgʻrilik qilganligi uchun sudlangan. Dastlabki tergov jarayonlarida aybiga iqror boʻlib, bunday ishlarni sodir etishga majbur qilgan narsa oʻzining ogʻir moliyaviy ahvoli ekanligini aytadi[3].
Radik Tagirovga nisbatan ochilgan jinoiy ish 2022-yil oxirida Tatariston Oliy sudiga topshirilgan. Shu vaqtgacha Tagirov tomonidan 30 dan ortiq qotillik va boshqa bir qator jinoyatlarni sodir etilgani maʼlum boʻldi. Ufa, Ivanovo va Permda yuz bergan jinoiy ishlarni u qilmaganini taʼkidlaydi[3].
2011-2012 yillar oraligʻida „Volga manyagi“ laqabini olgan jinoyatchi Rossiyaning turli shaharlarida jami 31 nafar keksa ayolni oʻldirganligi sababli, umrbod qamoq jazosiga hukm qilindi. 2020-yilda hibsga olingan va barcha jinoyatlariga iqror boʻlgan[1][2].
Manbalar
tahrir- ↑ 1,0 1,1 1,2 „31 kadını öldüren seri katil 'Volga Manyağı'nın cezası belli oldu“. https://www.gazeteduvar.com. gazeteduvar.com. Qaraldi: 2024-yil 14-avgust.
- ↑ 2,0 2,1 2,2 „31 yaşlı kadını katleden "Volga Manyağı" müebbet hapis cezası verildi“. https://www.sozcu.com. sozcu.com. Qaraldi: 2024-yil 14-avgust.
- ↑ 3,0 3,1 3,2 3,3 3,4 3,5 3,6 „Tataristonda 30 nafar ayolni o‘ldirgan “Volga manyagi” umrbodga qamaldi“. https://daryo.uz. daryo.uz. Qaraldi: 2024-yil 14-avgust.