Wer
Wer – 2013-yilda rejissyor William Brent Bell tomonidan suratga olingan AQSh dahshatli filmi. Filmda bosh rolni Andrea Joy Cook ijro etgan[2][3]. Film 2013-yil 16-noyabrda ilk bor Yaponiyada namoyish etilgan, AQShda esa 2014-yil avgust oyida VOD media tizimi tomonidan taqdim etilgan[4].
| Wer | |
|---|---|
 Teatr nashri uchun poster | |
| Rejissyor(lar) | William Brent Bell |
| Prodyuser(lar) |
Matthew Peterman Morris Paulson Steven Schneider |
| Ssenariynavis(lar) |
William Brent Bell Matthew Peterman |
| Rollarda |
Andrea Joy Cook Brian Scott OʼConnor Simon Quarterman Sebastian Roché Vik Sahay |
| Bastakor(lar) | Brett Detar |
| Kinematografiya | Alejandro Martínez |
| Muharrir(lar) |
William Brent Bell Tim Mirkovich |
| Studiya(lar) |
Nick Meyer Incentive Filmed Entertainment Prototype Room 101, Inc. |
| Distribyutor | Focus World[1] |
| Chiqarilgan sanasi |
|
| Davomiyligi | 93 daqiqa |
| Mamlakat |
 AQSh |
| Til | inglizcha |
Film syujeti
tahrirKapitan Klaus Pistor boshchiligidagi fransuz politsiyasi Claire Porterni kasalxonada davolanayotgan paytdayoq soʻroq qilishni boshlaydi. Fransiyada dam olayotgan amerikalik sayyohlar, Clairening turmush oʻrtogʻi Henry va oʻgʻli Peter nomaʼlum yirtqich hayvonning hujumi natijasida shafqatsizlarcha oʻldiriladi. Claire qotilning soyasi odamga oʻxshab ketganini daʼvo qilganda politsiya qotillikda gumon qilinayotgan Talan Gwynekni hibsga oladi. Oradan biroz vaqt oʻtib, Claire olgan jarohatlari tufayli kasalxonada vafot etadi.
Politsiya boʻlimida Talan bilan suhbat chogʻida rasmiylar bilan kurash boshlanadi. Gavin Kateni himoya qilmoqchi boʻlganida Talan uni tishlab oladi.
Katening jamoasi Talanning onasi bilan suhbatlashish uchun oʻrmondagi uyiga boradi. Gwynek xonim ularga asli Ruminiyadan ekanligini aytadi. Uning taʼkidlashicha, Talan qotillikni sodir etish uchun jismonan zaif boʻlgan, chunki Talan ularning oilasidagi erkaklar orqali oʻtadigan noyob genetik kasallikdan aziyat chekardi.
Talan politsiya hibsxonasida tibbiy koʻrikdan oʻtayotganda, oʻzining gʻayritabiiy kuchidan foydalanib, xonadagi deyarli hammani oʻldiradi va binodan qochib ketadi.
Butun shahar boʻylab olib borilgan qidiruv natijasida, Talan tashlandiq binodan topiladi. Talan politsiyaga hujum qilishidan oldin, sakkizinchi qavatdan pastga qulab, boʻriga aylangan holati kuzatuv kamerasiga tushib qoladi.
Rollarda
tahrir- Andrea Joy Cook – Kate Moore
- Vik Sahay – Eric Sarin
- Simon Quarterman – Gavin Flemyng
- Sebastian Roché – Klaus Pistor
- Brian Scott OʻConnor – Talan Gwynek
- Stephanie Lemelin – Claire Porter
- Oaklee Pendergast – Peter Porter
- Angelina Armani – Clairening opasi
- Brian Johnson – Henry Porter
- Collin Blair – Britaniya muxbiri (Collin Jay Blair)
- Corneliu Ulici – politsiyachi
Yaratilishi
tahrir„Wer“ filmining suratga olinishi uchun ishlab chiqilgan rejalar dastlab 2012-yil yanvar oyida Dread Central nashriga berilgan intervyuda eʼlon qilingan, oʻshanda Bell va prodyuser Matthew Peterman soʻnggi 10 oy davomida boʻri mavzusidagi loyiha ustida ishlaganliklarini aytgan[5]. Ular dastlab 2012-yilning aprel oyida Ruminiyada „hujjatli film uslubdagi loyiha“ni suratga olishni rejalashtirgan[6][5].
2012-yil mart oyida Cook „Wer“ filmining bosh qahramoni sifatida tasdiqlangan va Rob Hallning Almost Human Inc kompaniyasi filmning maxsus effektlarini yaratish uchun ishga yollangan[7][8]. Oʻsha yili Vik Sahay va Sebastian Roche ham ushbu loyihaga qoʻshilgan[9][10][11].
„Wer“ filmini suratga olish ishlari 2012-yilning may oyida Ruminiyaning Buxarest shahrida boshlangan. Bell filmni Vatican loyihasi bilan bir vaqtda suratga olgan[12]. „Wer“ filmining rasmiy treyleri 2013-yil oktyabr oyida ilk bor namoyish etilgan.
Manbalar
tahrir- ↑ „Wer (2013)“. Filmratings.com. Qaraldi: 2024-yil 13-may.
- ↑ „FilmDistrict Takes On 'The Devil Inside' Director's 'Wer'“. THR (2012-yil 7-fevral). Qaraldi: 2013-yil 16-dekabr.
- ↑ „A legend is reborn in the poster for William Brent Bell's Wer“. JoBlo (2013-yil 17-sentyabr). Qaraldi: 2013-yil 16-dekabr.
- ↑ „Wer Now Howling on VOD“. Dread Central. 2014-yil 31-avgustda asl nusxadan arxivlangan. Qaraldi: 2014-yil 20-avgust.
- ↑ 5,0 5,1 „Exclusive Interview: The Devil Inside's William Brent Bell and Matthew Peterman Talk Controversial Endings, Sequel Potential and Upcoming Projects“. Dread Central (2013-yil 14-noyabr). Qaraldi: 2013-yil 16-dekabr.
- ↑ „The Devil Inside Duo Officially Tackling Wer“. Dread Central. Qaraldi: 2013-yil 16-dekabr.
- ↑ „Wer is Practically Almost Human“. Dread Central. Qaraldi: 2013-yil 16-dekabr.
- ↑ „A.J. Cook Signs on for Found Footage Werewolf Flick Wer“. Dread Central. Qaraldi: 2013-yil 16-dekabr.
- ↑ „Vik Sahay Cast in William Brent Bell's WER“. HNN. 2016-yil 4-martda asl nusxadan arxivlangan. Qaraldi: 2013-yil 16-dekabr.
- ↑ „Sebastian Roché Joins 'The Devil Inside' Director William Brent Bell's 'Wer'“. IndieWIre (2012-yil 29-aprel). Qaraldi: 2013-yil 16-dekabr.
- ↑ „'Chuck' Star Vik Sahay Joins 'Devil Inside' Director William Brent Bell's Werewolf Movie“. Fearnet. Qaraldi: 2013-yil 16-dekabr.
- ↑ Gilchrist. „FilmDistrict Takes On 'The Devil Inside' Director's 'Wer'“. Hollywood Reporter (2012-yil 7-fevral). Qaraldi: 2013-yil 23-dekabr.